SAGULION 28:48 - Tanou Moonsoi Timugon

⁴⁸ Ginio ra mangandoi kau ra pantula' ondo' porotongon ru Tuhan koson gumula' ramuyun. Maitilan kau, paason am magibaang; matutusan kau ra ngaangai' no. Mangimbolo' Tuhan ramuyun ra malaat saboi ra maluus kau.

SAGULION 28:48 ပူးပေါင်းရင်းမြစ်များ

1 RAJA'-RAJA' 8:33

“Paat ra ulun Muno Israil kalaan ru pantula' sabap ra makatula ilo Rirun, am sumaguli' ilo Rirun am matong ra Baloi ti am niayuk makiasi' Rirun mabaya' ra minggana' guang am makiampun,

2 TUNUNG RU BANSA' ISRAIL 12:8

Kabalu' pana raginio, kuasaan ilo ri Sisak; bagu no makapandai ilo ra nansala' mangandoi ayuk Raki' am mangandoi ayuk ra pamarintaan ru tana' ti.”

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JIRIMIA 17:4

Pataakin min kalalaat tana' ondo' tinaakan Kuno ramuyun, am saukon Takamin ra ulipon ru pantula' giu' ra pagun ondo' kalo noyo toojo natutunan min. Baalon Ku ngaangai' no sabap ra sangit Kutu koson ra apui ondo' bibilak ra sabubuoi no.”

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 44:27

Tutunon Ku maa' raginio kalo makasugut kau; maaru' mapuso kau. Akau ngaangai' matoi, ralalom ru pangayawan kapoam sabap ra maruol tumapik, saboi kolondo' sangulun pana ramuyun maayag.

JIRIMIA 5:19

Paat ra ilo mangkuot ra sasaban Kuno nambaal raginio ngaangai', balai' ilo Jirimia, ra koson ra ilo nangiruan Raki' giu' ra pagun nilo galama' am nangandoi ayuk ra dewa-dewa ru bansa' bokon, koson raginio niayuk ilo mangandoi ayuk ra bansa' bokon giu' ra tana' ondo' sala' ka pagun nilo.”

SULABOI 1:14

“Inalap No ngaangai' tula kuno, am binangkos no nasauk rondo', am pasisigoto' ra liog kuno, saboi bagat nano nampalawo raki'. Pinataak aku ru Tuhan ra pantula' kuno, am kalo maikang aku gumula' risilo.

SULABOI 1:3

Mamagun ru Jiuda sinauk ra ulipon ondo' kalo maikang, jinajalan nangiruan ra kampung namagunan nilo. Minayan ilo ra gino ngai' ru bansa'-bansa', ra kolondo' intok ondo' mangani' ra kaansayan. Inawangan ilo ru pantula' paat ra ilo naimbolo'.

SULABOI 4:4

Polosoon nilo lalagang nilo paason am maitilan; anak-anak makitaak ra akanon, kaa' kolondo' osoi pana ondo' mangani' ra akanon.

YEHEZKIEL 17:12

“Kuati' ulun-ulun gumuor no ru makarati' ilo ra arati' ru abig no. Balai' ilo ra raja' ru pagun Babilonia matong ra Jirusalim am magibit ra raja' am niayuk pagawai-pagawai ru Jirusalim mababaya' riso sumaguli' ra Babilonia.

YEHEZKIEL 17:3

maa' raginio makapandai ilo ra atan ondo' paraguon Kuno, Tuhan Raja' risilo: Mokoondo' sanginan susuit kanui maayo kaga' ondo' moonsoi bulu am mapila' kawo ondo' nabilar. Kanui no nansiab ra Kagunungan Libanon, am namandak ra untu ru sampuun tataun sidar,

YEHEZKIEL 17:7

“Mokoondo' poyo sanginan kanui maayo kaga'. Kawo nano mapila' am bulu nano makapal. Puun ru anggur no pana nopoongoi ra bakat am raun nano ra susuit kanui ondo' karuo no am malansan ra susuit no mangani' ra masuang poyo timug intor ra ondo' soroi giu' ra umo no.

YEHEZKIEL 23:29

Sabap ra ilo pana masisang rirun, gaawon nilo ngaangai' ampos ru kandoi muno, am mompoloso rirun magibaang koson ra ruandu' mantalan ra inan. Guang malaai am kandoi mantalan ra inan muno

MIKA 2:3

Ginio ra mindagu Tuhan, “Nangatang aku koson maparatong ra karaat patiwon ramuyun. Kalo makapagiru' kau intor ra karaat no. Malumpa' kau ra kapaganan, am akau pana kalo boo makapaliso ra malilimbau.

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

SAGULION 32:24

Matoi ilo sabap ra mansalom am bitilan; matoi ilo sabap ra maruol ondo' makalalaa'. Maparatong aku ra bibiag masigo koson mansaam risilo, am kukuo makatuwo koson maninduk risilo.