SAGULION 28:32 - Tanou Moonsoi Timugon

³² Ra talupak ru mato min, anak-anak min, iou ra ungkuyon am ruandu', pataakon koson ra ulipon ra ulun bansa' ru bokon. Moonong orou, mapari' mato min maguyum ra anak-anak min, kaa' pirot mino banangan ak, sabap kalo sumaguli' ilo.

SAGULION 28:32 ပူးပေါင်းရင်းမြစ်များ

2 TUNUNG RU BANSA' ISRAIL 29:9

Kinamatuaan takau pinatoi giu' ra intok pangayawan, am anak andu' takau rinakop.

AYUP 11:20

Kaa' ulun malaat mampulolou am maubong; kalo nakatuum ilo ra ralan ingkualan. Rondo' ayuk kalansanan nilo iono maminawo ra pupus toojo.”

AYUP 17:5

Sumugut ra ragu amsal, osoi ayuk manumbalik ra rangan sabap ra makimauli', anak nano galama' makaapu ra pambalos.

AYUP 31:8

polosoon ayuk pana ulun ra bokon mangakan ra atan ondo' tiniasan kuno, am polosoon titikop ru tinanom kuno matutuk.

MAZMUR 119:123

Malaut mato kuno maginaa ra Okou matong mangindangan koson mamayag raki', am maginaa ra Okou mapalabus raki', sumugut ra bantu' Muli.

MAZMUR 119:82

Maagui mato kuno magiginaa ra atan kia pasalulaan ru bantu' Muno, liliwa' aku mangkuot, “Sanggilan kia Okou mangindangan raki'?”

MAZMUR 69:3

matikolosor aku ra losok malandom, am kolondo' kinjangan; nalinjob aku ra timug malandom, am kinulun ru timug mamaar poyo mopolosor raki'.

JISAYA 38:14

Bolos kuno lumuku am malawo, malumpus aku koson ra susuit asang. Mato kuno maagui sabap ra mantingaa' ra limbowon. Iou Tuhan, bayago' aku no intor ra nansalinut kapaganan ragitio.

SULABOI 1:18

“Kaa' Tuhan matimpok sabap ra inanggal ku susuban Nano. Rongog kano raki', akau ngaangai' bansa', ilai' aku no ondo' marualan. Kamulakan kuno ungkuyon am ruandu' rinakop am inibit minugar.

SULABOI 2:11

Minangkut mato kuno sabap ra nantangi' ra kalo lumonggo'; saliguor kuno totopot naupus. Natutuk guang kuno nakakito ra kapusaan ru bansa' kuno, nakakito ra lalaing am lalagang nalausan giu' ra ralan ru bandar.

SULABOI 4:17

Mato mai maagui magilong, mangkuliman ra pangindanganan ondo' kalo rumatong. Malansan akai ra indangan intor ra bansa' ondo' sotopot no kalo makapangani' ra atan-atan.

SULABOI 5:17

Mangiluk kaga' guang mai, lomou mai naratu' saboi mato mai majapul,

YEHEZKIEL 24:25

Indagu Tuhan, “Okou ulun mapandai matoi, alapon Ku Baloi Kuno ondo' mapiot no intor risilo, Baloi ondo' linimbawan am kasagain nilo, am ondo' ilain am angayin nilo ra guang maansukan. Aku pana mangalap niayuk ra anak-anak nilo.

JOIL 3:6

Inibit min mamagun ru Jiuda am Jirusalim giu' ra intok maalur, am niayuk nantalan risilo ra ulun ru Junani.

AMOS 5:27

paat ra Aku mamatir ramuyun giu' ra rondo' pagun ondo' maalur poyo intor ra Damsyik.” Gini noyo ragu ru Tuhan ondo' inggalan no i Aki Kapuuno' Ondo' Maayo Kaga' Kuasa'.

MIKA 2:1

Aibui boo ra ulun-ulun ondo' mangatang ra kalaatan ondo' kalo mantilayun am liminuya' ra intok pambalangan paat ra tanga' ru rondom. Paat ra orou sinumirang baalon nilo kalaatan ondo' inatang no sabap ra maalap nilo mambaal raginio.

MIKA 4:10

Mamagun ru Jirusalim kau ngai', pambilor am pampalaa kano koson ra ruandu' ondo' tatanga' maganak, sabap raino mangiruan kau kalalaat ra bandar ti am mayan giu' ra padang. Mongoi kau kalalaat ra Babil, kaa' giu' no Tuhan mamayag ramuyun intor ra pantula'.

UNTABAN 21:29

Akau ulun ru Moab, mapara' kia usung mino! Akau mongompor ri Kamos, maluus kau! Nopoloso Tuhan mino ra ungkuyon-ungkuyon nasauk ra ulun nagiru', am ruandu'-ruandu' nasauk ra ulun rinakop ru raja' Amori.

SAGULION 28:18

“Kaulas noyo akau saboi sanganu ayuk anak min, ampos ru tatanom min sanganu am sapi' am niayuk domba min kalo masuang.

SAGULION 28:31

Simbaluyon sapi' muno ra talupak ru mato muno, kaa' kalo makaakan kou ra sanganu pana kual no. Ralaaton kaladai muno liliwa' tantangin mu, kaa' kalo pasagulion kaladai no rirun. Pataakon domba muno ra pantula', am kolondo' sangulun pana makaindangan rirun.

SAGULION 28:41

Mokoondo' kau ra anak ungkuyon am ruandu', kaa' mailusan kau risilo sabap ibiton ilo mugar koson ra ulun rinakop ra pangayawan.

SAGULION 28:65

Ra gino ngai' ru bansa'-bansa', kalo makaalap kau ra kamiaan am kolondo' intok ondo' maalap min kasabit ra akau tatangan; Tuhan mangkinibit ramuyun magalabo, malawo guang am malaa'.