SAGULION 28:30 - Tanou Moonsoi Timugon

³⁰ “Makatamung kou sangulun ralaa, kaa' ulun ra bokon maguot riso. Manambaloi kou, kaa' kalo maayanan mu. Mantanom kou ra puun ru anggur, kaa' kalo makaakan kou ra kawa' no.

SAGULION 28:30 ပူးပေါင်းရင်းမြစ်များ

2 SAMUIL 12:11

Magibot Aku ra mampalumpa' rirun ra kapaganan ondo' makinibitan ru gino ngai' akau sasambaloi. Alapon Ku andu'-andu' muno ra talupak ru mato muno galama', am pataakon ku ilo ra ulun bokon ondo' parumakon ilo ra makito-kito.

AYUP 20:18

Musiti' ilo mampataak ra ngaangai' ondo' nakandoi nilo; kalo makasia' ilo ra kalangkayaan nilo,

AYUP 3:18

Ulun inaput pana makasia' ra katangusan, makalabus intor ra susuban makuliga' am galakin.

AYUP 31:10

polosoon ayuk andu' kuno mangansak ra akanon ru ungkuyon ra bokon, am mombolong ra intok pambalangan ru ungkuyon ra bokon.

JISAYA 62:8

Tuhan nambantu' am nampator, am suguton ginio maya' ra kuasa' Nano. “Gandum mino kalo boo akanon ru pantula' mino, am wain binaal min intor ra kapaganan mino, kalo boo inumon ru ulun bansa' suai.

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

JIRIMIA 6:12

Baloi nilo pataakin ra ulun bokon, koson niayuk ra umo am andu' nilo. Mangukum Aku ra mamagun ru pagun ti.

JIRIMIA 8:10

Ginio ra pataakin Ku umo nilono ra ulun bagu, am andu' nilo ra ulun bokon. Ngaangai' ulun ondo' maayo am niayuk boborok, maguyum ra kalabaan ra kalo mabanis guang. Niayuk poyo nabi am imam pana mamparuung ra ulun.

SULABOI 5:11

Andu' mai sinawa' giu' ra Bulur Sion, ralaa mai rinulug giu' ra moonong bandar giu' ra Jiuda.

SULABOI 5:2

Rapu' tungkuson mai ginaau ru ulun ra bokon; ulun bansa' ra bokon tatanga' mayan ra baloi mai.

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

MIKA 6:15

Mantanom kou ra gandum, kaa' kalo makumos min. Mambaal kau ra umau intor ra kawa' ru jaitun, kaa' kalo mapakai min umau no. Mambaal kau ra wain, kaa' kalo mainum min ginio.

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

JIPANYA 1:13

Rapu' nilo gaawon am baloi nilo pusoon. Manambaloi ilo, kaa' kalo makaayan raginio. Mangandoi ilo ra umo ru anggur kaa' kalo manginum ra wain, ampos ru umo no.”

SAGULION 28:31

Simbaluyon sapi' muno ra talupak ru mato muno, kaa' kalo makaakan kou ra sanganu pana kual no. Ralaaton kaladai muno liliwa' tantangin mu, kaa' kalo pasagulion kaladai no rirun. Pataakon domba muno ra pantula', am kolondo' sangulun pana makaindangan rirun.