SAGULION 28:29 - Tanou Moonsoi Timugon

²⁹ Paat ra matawang, matukangkam kau koson ra ulun bolou, am kalo makauyum kau ra ralan. Atan pana baalon min, kalo makasugut kau. Magail kau imboloon am takawin, am kolondo' mangindangan ramuyun.

SAGULION 28:29 ပူးပေါင်းရင်းမြစ်များ

KASAUKAN 19:11

Bolowo' nilo mato ru ngaangai' ulun ondo' soroi ra liwar no saboi kalo boo mauyum nilo angob ru baloi no.

NIGIMIA 9:37

Raino ampos ru tana' mai ginaau ru raja'-raja' ondo' nanguasa' ramon; pinataak Mu akai ra raja'-raja'; raino ampos ru tana' mai ginaau ru raja'-raja'. Pamakuan nilo ramon am bibiag tinambiag mai maya' ra kasagaan ru guang nilo; inimbolo' akai kaga' am mangiluk guang!”

AYUP 12:25

Matukangkam ilo ralalom kalandaman, am kakasiling koson ra ulun nagauk ra inumon.”

AYUP 5:14

Paat ra matawang nalumpa' ilo ru kalandaman, saboi matukangkam koson ra paat molondom.

KAINGKUALAN 10:21

Indagu Tuhan ri Musa, “Kakato' longon muno tampilon ra limbowon, am kalandaman ra molondom kaga' matikop ra titikop ru tana' ru Misir.”

JISAYA 59:10

Akai sakangkam-kangkam koson ra ulun bolou; ra bulintok mampayung orou makasaru akai koson ra mampayung rondom; ra tatanga' ru ulun naayag akai koson ayuk ra ulun minatoi.

JIRIMIA 9:19

Rongogo' bolos ru tangi' giu' ra Sion, “Natutuk akai noyo! Tinauyu' akai toojo. Musiti' akai mangiruan ra pagun mai; baloi mai linunsai noyo.”

SULABOI 4:14

Tingganai-tingganai ru bandar ru Jirusalim koson ra ulun bolou ondo' minugar ra kangkam-kangkam. Bayang nilo naluitan ru raraa' saboi kolondo' sangulun pana masaga' kumambong risilo.

SULABOI 5:17

Mangiluk kaga' guang mai, lomou mai naratu' saboi mato mai majapul,

SULABOI 5:8

Kinuasa' akai ru ulipon, am kolondo' ulun ondo' makakuasa' mampalabus ramon intor risilo.

JIPANYA 1:17

Indagu Tuhan, “Porotongon Ku masuang karaat ra ulun, saboi moonong ulun matukangkam koson ra ulun bolou. Makatula ilo noyo Raki', am raino raraa' nilo nalayak koson ra timug, am baangkai nilo mootong ra tana'.”

RINALATAN 21:24

Moonsoi ru maya' kou risilo mampaugar ra kaulayan pangimpasawan am mamalanja' kou risilo, am mabulutan ilo. Gitio noyo mampatutun ra ulun ra atan ondo' naining nilo intor rirun i kalo motopot. Sabap ra okou galama' pana gumagaya' ra Ukum ri Musa.

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

SAGULION 28:28

Tuhan mangkinibit ramuyun ra mantuyang am mapasauk ramuyun ra bolou am niayuk maubong.

TINGGANAI RU BANSA' 10:8

Buoi mopor am balu' ngambilor ilo nangimbolo' am nangulipon ra ulun ru Israil ondo' minayan giu' ra Giliad, iono giu' ra wilayah ru ulun ru Amori giu' ra tampilon sirangon ru Sungoi Jordan.

TINGGANAI RU BANSA' 13:1

Makatula poyo ulun ru Israil ra Tuhan, am nompoloso Tuhan ra ulun ru Palistin nanguasa' risilo buoi apat ngoopor ngambilor.

TINGGANAI RU BANSA' 3:14

Ulun ru Israil pinarinta ru Raja' Iglon buoi mopor am balu' ngambilor.