SAGULION 28:22 - Tanou Moonsoi Timugon

²² Mangukum Tuhan ramuyun ra maruol-maruol ondo' tumapik, lanit-lanit am salom. Maparatong Tuhan ra tampio am angin malasu' saboi kumoson min mapuso. Karaat-karaat marayus lumumpa' ramuyun saboi kau matoi.

SAGULION 28:22 ပူးပေါင်းရင်းမြစ်များ

1 RAJA'-RAJA' 17:7

Kalo nabuoi raginio, sungoi boborok no nalasak sabap ra kolondo' rasam.

1 RAJA'-RAJA' 8:37

“Paat ra bitilan kapoam maruol tumapik masauk ra pagun ti, kapoam tatanom mapuso sabap ra angin malasu', maruol ru tutuu', kapoam inakan ru gapu'; kapoam paat ra ulun Muno bulunsaron ru pantula', kapoam matiu' ra maruol,

2 TUNUNG RU BANSA' ISRAIL 6:28

“Paat ra bitilan am maruol tumapik masauk ra pagun ti, kapoam tinanom mapuso sabap ra angin malasu', maruol ru tatanom, kapoam kokoton ru gapu'; kapoam paat ra ulun Muno bulunsaron ru pantula', kapoam maruol,

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

AMOS 4:9

“Atarin Ku angin malasu' am pasisang koson mamuso ra tinanom min giu' ra umo am puun ru anggur min. Akanon koyoo' ru gapu' puun ara am puun jaitun. Kabalu' pana raginio kalo niayuk sumaguli' kau Raki'.

AGAI 1:11

Naparatong Aku noyo ra tampio ra pagun ti saboi bulur, umo ru gandum, umo ru anggur, umo ru jaitun am ngaangai' tutuu' ra pagun ti mangapua'. Ulun, bibiag am ngaangai' tinanom min malumpa' ru tampio.”

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.

AGAI 2:19

Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

JAKARIA 14:12

Porotongon ru Tuhan maruol ondo' makalalaa' ra ngaangai' bansa' ondo' mangayou ra Jirusalim. Mato am rila' nilo, mulu' poyo ngaangai' inan nilo mootong liliwa' ilo lakat poyo maayag.

SAGULION 28:23

Kalo rumasam am tana' min masauk ra mokotog koson ra basi'.

SAGULION 32:24

Matoi ilo sabap ra mansalom am bitilan; matoi ilo sabap ra maruol ondo' makalalaa'. Maparatong aku ra bibiag masigo koson mansaam risilo, am kukuo makatuwo koson maninduk risilo.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.