SAGULION 28:20 - Tanou Moonsoi Timugon

²⁰ “Amon nambaal kau ra malaat am mangimpai ra Tuhan, maparatong Io ra karaat, kajajawan am kapaganan ralalom ru ngaangai' kandoi min, saboi ralalom sangkinolor ayuk, mapuso kau kalingon.

SAGULION 28:20 ပူးပေါင်းရင်းမြစ်များ

AYUP 24:18

“Ulun malaat inabas ru liur, am tana' ondo' linonggom nilo inulas ri Aki Kapuuno'; kalo boo mangandoi ilo giu' ra umo ru anggur nilo.

MAZMUR 7:11

I Aki Kapuuno' noyo Maninindung raki'; mamayag Io ra ulun ondo' gumagaya' Riso.

JISAYA 28:19

Moonong susuab ti karaat lumumpa' ramuyun, am orou rondom akau mansaan raginio. Monontol kau malaa' bulintok ra akau makarati' ra tanou ri Aki Kapuuno'.

JISAYA 30:17

Saribu ngaulun magiru' bulintok makakito ra sangulun pantula', am limo ngaulun pantula' sama' poyo mangkinibit ramuyun ngaangai' no magiru'. Saujor mino mapuso, am ondo' ayuk matatang no santaun lugu' ru bandira' giu' ra rasawat ru bulur.

JISAYA 51:20

Moonong pompor ru ralan ulun-ulun muno maratu' kolondo' lulu' koson ra tambang nakasulung ra jajaling. Nalumpa' ilo ra sangit ru Tuhan, am matiu' ra sangit ri Aki Kapuuno' Muno.

JISAYA 66:15

Matong Tuhan mabaya' ra apui. Matong Io sumakoi ra bagiu' koson mangukum ra ulun ondo' sangitin Nano.

JIRIMIA 1:16

Mangukum Aku ra ulun Kuno sabap ra tula nilo; mangiruan ilo Raki' am mampataak ra taak simbalui ra tuhan-tuhan ra bokon. Nambaal ilo niayuk am siminamba ra sinungkalalaing no.

JIRIMIA 19:4

Baalon Ku gitio sabap ra bansa' ragitio nangiruan noyo Raki'. Nampajamol ilo ra intok ragitio ra nampataak ra taak simbalui ra dewa-dewa ondo' kalo nauligan nilo, kinamatuaan nilo, am raja'-raja' ru Jiuda. Tinotop nilo intok ti ra raraa' ru ulun ondo' kolondo' sala.

IMAMAT 26:38

Matoi kau ralalom pamatiran, am lobongon giu' ra pagun ru pantula'.

MALIAKI 2:2

Musiti' kau mangurumat Raki' ra binaal min. Amon ru marara' kau rumongog ra ragu Kuno, ulason Takamin. Ulason Ku ngaangai' ondo' apuon min koson ra barakat. Sotopot no, inulas Ku noyo ngaangai' no sabap ra kalo lioon min susuban Kuno.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

SAGULION 28:8

“Mambarakat Tuhan i Aki Kapuuno' min ra pirot min am mamanu' ra gudang min ra gandum. Mambarakat Io ramuyun giu' ra tana' ondo' taakin Nano ramuyun.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

1 TISALONIKA 2:16

Am mulu' poyo ilo mongompong ramon mambala' ra bansa' ondo' sala' ka Jaudi ra tanou ondo' mampakaayag risilo. Koson boo raginio gumaai poyo tula nilai saboi maukop suang no am raino matiu' ilo boo ra sangit am ukum ri Aki Kapuuno'.

JOSUA 23:16

Amon ru manggal kau ra nabantuan ondo' nanusuban ru Tuhan i Aki Kapuuno' min koson gagayaan, am amon mangandoi am niayuk sumambayang ra dewa-dewa, sumangit am mangukum Tuhan ramuyun. Sangkinolor ayuk am akau ngai' no maliom intor ra tana' ondo' moonsoi ti, ondo' tinaakan ru Tuhan ramuyun.”

TINGGANAI RU BANSA' 2:15

Moonong ra ilo mongoi pangayou, manggal Tuhan risilo, koson ra ondo' pinakara' Nano risilo. Natiu' ilo ra kapaganan ondo' maayo kaga'.

1 SAMUIL 14:20

Raja' Saul am saujor-saujor nano pana minongoi boo ra intok pangayawan. Giu' no nakakito ilo ra ulun ru Palistin ondo' najajajou; ilono magagabu' am mampatoi ra rondo' am bokon.