SAGULION 28:15 - Tanou Moonsoi Timugon

¹⁵ “Kaa' amon kalo gumagaya' kau ra Tuhan i Aki Kapuuno' min am kalo mambaal toojo ra ngaangai' panusuban am ukum Nano ondo' taakin kuno ramuyun ra orou raiti', am ngaangai' ulas ti makasulung ramuyun:

SAGULION 28:15 ပူးပေါင်းရင်းမြစ်များ

KASAUKAN 3:14

Indagu boo Tuhan i Aki Kapuuno' ra kukuo no, “Inulas kou sabap ra binaal muno; intor ra ngaangai' bibiag okou ayuk magiba' ra ulas: Intor raino mundus kou ayuk ra mugar am mangakan kou ayuk ra kaau ru tana' saboi ra pupus ru bayag muno.

KASAUKAN 4:11

Ginio ra inulas kou saboi kalo boo makapanangumo kou ra tana'. Sinosop ru tana' no raraa' ru boborok muno ilain koson ra ginaal no kabang mangapu ra raraa' ru boborok muno paat okou namatoi riso.

KASAUKAN 4:12

Amon ru mangkinam kou pana magitanom, tana' ti kalo mapasalula' ra ampos; masauk kou ra sangulun tumanggau ayuk am kolondo' intok muno ra tana' ti.”

2 TUNUNG RU BANSA' ISRAIL 12:5

Nabi Simaya minuma' ra Raja' Rigabiam am tingganai-tingganai ru Jiuda ondo' natimung giu' ra Jirusalim koson nagiru' intor ra Raja' Sisak. Kon ri Simaya risilo, “Rongogo' ragu ru Tuhan, ‘Nangiruan kano Raki'; raino mangiruan Aku ramuyun saboi kuasaan kau ri Sisak.’ ”

2 TUNUNG RU BANSA' ISRAIL 34:24

ra ragu ru Tuhan ragitio, “Ukumin Ku Jirusalim am niayuk ngaangai' mamagun no ra ulas ondo' tinulisan ra ralalom ru kitab ondo' binasa' ra raja'.

2 TUNUNG RU BANSA' ISRAIL 7:19

Kaa' amon ru okou am mamagun muno kalo gumagaya' ra ukum am susuban ondo' tinaakan Ku noyo ramuyun, am sumamba ra tuhan-tuhan ra bokon,

JISAYA 3:11

Kaa' alii boo ra ulun malaat! Atan pinamakuan nilo ra ulun bokon, ginio niayuk pamakuan risilo.

JIRIMIA 11:8

kaa' marara' ilo mangkirongog am marara' gumagaya'. Gino ayuk ilo bambalingatan am malaat koson ragili. Nanusub Aku no risilo gumagaya' ra nabantuan, kaa' marara' ilo. Ginio ra pinalumpa' Ku risilo ngaangai' ukuman ondo' sinabit ralalom ru nabantuan no.”

JIRIMIA 26:4

Nanusub Tuhan raki' mindagu risilo, “Koon ragitio ragu ru Tuhan, ‘Aku, Tuhan, nanusub noyo maa' raginio musiti' kau gumagaya' Raki' am mambaal ra ukum ondo' tinaakan Ku noyo ramuyun.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 36:31

Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

JIRIMIA 36:7

Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

JIRIMIA 40:2

Panglima saujor no nagibit raki' ra kiing am indagu, “Tuhan, i Aki Kapuuno' muno, nompololob ra pagun ti ra kapusaan.

SULABOI 2:17

Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.

GOSIA 7:12

Kaa' paat ra ilo mansail, paatangon Ku jajaling am mamparakop risilo koson ra ulun mamparakop ra susuit. Ukumin Ku ilo sabap ra kalaatan ondo' binaal nilo.

MALIAKI 2:2

Musiti' kau mangurumat Raki' ra binaal min. Amon ru marara' kau rumongog ra ragu Kuno, ulason Takamin. Ulason Ku ngaangai' ondo' apuon min koson ra barakat. Sotopot no, inulas Ku noyo ngaangai' no sabap ra kalo lioon min susuban Kuno.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

SAGULION 11:28

kapoam ulas, amon ru kalo gumagaya' kau ra susuban no, am tumalikur koson sumamba ra tuhan-tuhan ra bokon ondo' kalo igondo' kau samba.

SAGULION 28:2

Gagayaa' noyo Tuhan i Aki Kapuuno' min, am ngaangai' barakat ti pataakon ramuyun:

SAGULION 28:45

“Ngaangai' ulas no sumulung ramuyun saboi ra akau mapuso, sabap ra kalo gumagaya' kau ra Tuhan i Aki Kapuuno' min am kalo maya' ra ngaangai' ukum ondo' taakin Nano ramuyun.

SAGULION 29:19

Ra gino ngai' min ondo' nokorongog ra kitaak moporos no ra orou raiti', pai' sangulun pana ondo' mangkara' ra io magulayun mabayag kabalu' pana gumogot toojo io am manugut ra kasagaan nano galama'. Binaal koson raginio mamuso ramuyun ngaangai', ulun ondo' moonsoi am ondo' malaat.

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.

SAGULION 5:1

Nanimung i Musa ra ngaangai' ulun ru Israil am indagu risilo, “Akau ulun ru Israil, rongogo' noyo ngaangai' ukum ondo' taakin kutu ramuyun ra orou raiti'. Igila' noyo ra ngaangai' ukum ti am gagayaa' noyo ngaangai' no ra totopot.

JOSUA 23:15

Kaa' koson ra Io nanugut ra moonong bantu' Nano ramuyun, koson raginio niayuk Io mambaal ra moonong lolob Nano.

JOSUA 23:16

Amon ru manggal kau ra nabantuan ondo' nanusuban ru Tuhan i Aki Kapuuno' min koson gagayaan, am amon mangandoi am niayuk sumambayang ra dewa-dewa, sumangit am mangukum Tuhan ramuyun. Sangkinolor ayuk am akau ngai' no maliom intor ra tana' ondo' moonsoi ti, ondo' tinaakan ru Tuhan ramuyun.”

TINGGANAI RU BANSA' 2:15

Moonong ra ilo mongoi pangayou, manggal Tuhan risilo, koson ra ondo' pinakara' Nano risilo. Natiu' ilo ra kapaganan ondo' maayo kaga'.

1 SAMUIL 4:10

Nangayou toojo saujor ru Palistin, am kinala nilo saujor ru Israil. Nagigiru' saujor ru Israil minongoi ra kim ru sigagama' sabap ra ilo naala toojo; suang 30,000 ngaulun saujor ru Israil no minatoi.