SAGULION 28:13 - Tanou Moonsoi Timugon

¹³ Tuhan i Aki Kapuuno' min mapasauk ramuyun ra tingganai ra gino ngai' ru bansa'-bansa' am sala' ka maamaya'. Magail kau makasugut am kalo igondo' kasulang, amon ru gumagaya' kau toojo ra ngaangai' susuban ru Tuhan ondo' taakin kuno ramuyun ra orou raiti'.

SAGULION 28:13 ပူးပေါင်းရင်းမြစ်များ

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

JIRIMIA 31:7

Indagu Tuhan, “Parimbai no ra maansukan ra tayar ru Israil, bansa' ondo' kasaa' ra gino ngai' ru bansa'. Parimbai no ra rimbai mongompor, ‘Binayag ru Tuhan ulun Nano; binayag No ngaangai' ulun ondo' lakat poyo natatang.’

SAGULION 15:6

Mambarakat Tuhan ramuyun koson ra binantu' Nano. Mapaira' kau ra masuang ruit ra masuang bansa', kaa' akau galama' kalo magira' intor ra osoi pana. Mamarinta kau ra masuang bansa', kaa' kolondo' rondo' bansa' pana mamarinta ramuyun.

SAGULION 26:19

Mapasauk Io ramuyun ra mauligan kaga' poyo intor ra ngaangai' bansa' ra bokon ondo' sinauk Nano, am omporon am urumaton kau. Masauk kau ra ulun Nano, koson ondo' binantu' Nano.”

SAGULION 28:1

“Amon ru gumagaya' kau ra Tuhan i Aki Kapuuno' min, am totopot mambaal ra ngaangai' panusuban Nano ondo' taakin kuno ramuyun ra orou raiti', am Io pana mapasauk ramuyun ra bansa' ondo' mauligan kaga' ra tana'.

SAGULION 28:43

“Ulun bansa' ru bokon ondo' minayan ra pagun mino lumanja' makakuasa', kaa' akau lumanja' lumiot kuasa'.

SAGULION 28:44

Makaruit ilo koson pairain ramuyun, kaa' akau kolondo' atan pana koson pairain risilo. Pupus no, mamarinta ilo ramuyun.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.