SAGULION 28:11 - Tanou Moonsoi Timugon

¹¹ Tuhan manaak ramuyun ra masuang anak. Bibiag tinambiag min sumuang, am ampos ru tatanom min maulian giu' ra tana' ondo' binantu' ru Tuhan ra kinamatuaan min koson pataakon ramuyun.

SAGULION 28:11 ပူးပေါင်းရင်းမြစ်များ

AYUP 19:17

Kalo mokoorot andu' kuno ra owou ru paminawo kuno, pongkotob kuno marara' minggaar raki'.

MAZMUR 107:38

Inasian No ulun Nano ra anak masuang, am magalung ra tambiag nilo saboi mansasayat.

MAZMUR 127:3

Anak-anak iono pinataak ru Tuhan; sotopot no ilo tangguang.

MAZMUR 132:11

Tuhan nambaal ra bantu' am pator ri Daut; suguton No bantu' Nano. Kon No, “Sangulun ra anak muno saukon Ku ra raja', koson mamarinta am sumuali rirun.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

IMAMAT 26:9

Mambarakat Aku ramuyun am manaak ramuyun ra masuang anak. Suguton Ku nabantuan ondo' binaal Kuno ramuyun.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 28:4

“Barakatin noyo akau saboi masuang anak min, ampos ru tatanom min maulian am masuang sapi' am niayuk domba min.

SAGULION 30:9

Tuhan manugut ra ngaangai' kandoi mino. Makaanak am makabibiag kau ra masuang; manangampos umo mino suku' malabaan kau. Tuhan maansayan am mapasauk ramuyun ra langkaya' koson Io napasauk ra kinamatuaan mini ra langkaya'.

SAGULION 7:13

Motogom am mambarakat Io ramuyun, maa' raginio rumuang kau am makaalap kau ra masuang anak. Mambarakat Io ra umo min maa' raginio kaulian kau ra gandum, wain am umau jaitun. Mambarakat Io ramuyun am manaak ramuyun ra masuang bibiag tinambiag am domba. Manaak Io ramuyun ra ngaangai' barakat ti giu' ra tana' ondo' binantu' Nano ramuyun, sumugut ra bantu' Nano ra kinamatuaan min.