SAGULION 28:1 - Tanou Moonsoi Timugon

¹ “Amon ru gumagaya' kau ra Tuhan i Aki Kapuuno' min, am totopot mambaal ra ngaangai' panusuban Nano ondo' taakin kuno ramuyun ra orou raiti', am Io pana mapasauk ramuyun ra bansa' ondo' mauligan kaga' ra tana'.

SAGULION 28:1 ပူးပေါင်းရင်းမြစ်များ

1 TUNUNG RU BANSA' ISRAIL 14:2

Ginio ra nakaliman Raja' Daut ra Tuhan nangikang ra intok nano koson ra raja' ru Israil am nangikang ra pamarintaan nano koson ra kaatangan ru ulun ru Tuhan.

MAZMUR 106:3

Pakaansuk noyo ulun ondo' mambaal ra matimpok, ondo' masalok mambaal ra motopot.

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 119:128

Sabap raginio maya' aku ra nansalinut panusuban Muno; masisang aku ra baal ra kalo matanda'.

MAZMUR 119:6

Amon guangon ku ngaangai' panusuban Muno, kalo boo tauyuon aku.

MAZMUR 148:14

Kinaikang No ulun Nano, maa' raginio omporon Io ru ngaangai' ulun Nano, ulun ru Israil ondo' tinagaman Nano. Omporo' noyo Tuhan!

MAZMUR 91:14

Ragu ri Aki Kapuuno', “Bayagon Ku ulun ra monogom Raki' no, alungin Ku ulun ra mangiou Raki' no koson ra Tuhan.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 23:22

Kaa' amon ru gumagaya' kau riso am mambaal ra ngaangai' susuban Kuno, mangayou Aku gumula' ra ngaangai' pantula' mino.

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

JISAYA 1:19

Amon ru masaga' kau gumagaya' Raki', makasia' kau ra ampos ru tana' mino.

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 17:24

Gagaya' no ra ngaangai' susuban Kuno. Pai' pangkayang ra maagat mansail ra kulobon garabang ru bandar no paat ra orou Sabat. Iantako' orou Sabat koson ra orou ondo' patimpokon Raki', am pai' pangandoi paat ra orou raginio.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

LUKAS 9:48

Indagu Io boo ra maamaya' Nano, “Ulun ondo' mangapu ra lalaing ti sabap ra Aku, arati' no mangapu io niayuk Raki'. Ulun ondo' mangapu Raki', mangapu niayuk Riso ondo' nanusub Raki' i. Sabap ra io ondo' kalo maatang ra pamaguangan min ngai', sotopot no io no ondo' maatang kaga'.”

JUANIS 15:14

Amon ru gumagaya' kau ra panusuban Kuno, akau no rangan Kuno.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

SAGULION 11:13

“Ginio ra gagayaa' noyo ukum ondo' taakin kuno ramuyun ra orou raiti'. Tagami' noyo Tuhan i Aki Kapuuno' min am pangandoi noyo Riso ra sotopot ru salibuor.

SAGULION 11:27

barakat, amon ru gumagaya' kau ra susuban ru Tuhan i Aki Kapuuno' min ondo' taakin kuno ramuyun ra orou raiti';

SAGULION 15:5

amon ru gumagaya' kau ra Tuhan i Aki Kapuuno' min, am ilain toojo ra mapaugar ra ngaangai' baal ondo' panusuban kuno ramuyun orou raiti'.

SAGULION 26:18

Paat ra orou raiti' niayuk Tuhan nangapu ramuyun koson ra ulun Nano galama' koson ra binantu' Nano, am nanusub Io ramuyun maa' raginio gumagaya' ra ngaangai' ukum Nano.

SAGULION 26:19

Mapasauk Io ramuyun ra mauligan kaga' poyo intor ra ngaangai' bansa' ra bokon ondo' sinauk Nano, am omporon am urumaton kau. Masauk kau ra ulun Nano, koson ondo' binantu' Nano.”

SAGULION 28:13

Tuhan i Aki Kapuuno' min mapasauk ramuyun ra tingganai ra gino ngai' ru bansa'-bansa' am sala' ka maamaya'. Magail kau makasugut am kalo igondo' kasulang, amon ru gumagaya' kau toojo ra ngaangai' susuban ru Tuhan ondo' taakin kuno ramuyun ra orou raiti'.