SAGULION 27:26 - Tanou Moonsoi Timugon

²⁶ “ ‘Kaulas noyo ulun ondo' kalo gumagaya' ra ukum am pangilaan ri Aki Kapuuno'.’ “Ngaangai' ulun tumaam ra, ‘Amin!’ ”

SAGULION 27:26 ပူးပေါင်းရင်းမြစ်များ

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

ROMA 10:5

Gitio noyo tinulisan ru nabi Musa intor ra ralan mobonsoi saguli' ri Aki Kapuuno' ondo' pinabala' galing ra Ukum no, “Osoi gumagaya' ra ngaangai' susuban ru Ukum no, maayag io.”

YEHEZKIEL 18:24

“Kaa' amon ru sangulun moonsoi lumonggo' mambaal ra moonsoi, am tumalimpuun mambaal ra malaat am mambaal ra baal-baal ondo' binaal ru ulun malaat, maayag io ayuk kia? Kalo! Ngaangai' baal moonsoi ondo' igondo' binaal nano kalo karaan. Matoi io sabap ra kalo gumagaya' io Raki' am sabap ra makatula io noyo.

MAZMUR 119:21

Sawayon Muno ulun ondo' malilimbau; am magulas ra ulun ondo' kalo gumagaya' ra panusuban Muno.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

2 KORINTUS 3:9

Amon ru nabantuan ondo' nangkinibit ra pangukuman matulai noyo, mulu' poyo kinatulai ru nabantuan ondo' magibit ra ulun mobonsoi ri Aki Kapuuno'.

2 RAJA'-RAJA' 22:13

“Ongoi no pakitulu' intor ra Tuhan ra tayar kuno am ra tayar ru ngaangai' mamagun ru Jiuda intor ra pangilaan ru kitab ti. Siminangit Tuhan ritakau sabap ra kinamatuaan takali kalo nambaal ra atan ondo' tinulisan ra ralalom ru kitab ti.”

IJRA 7:26

Osoi ayuk ondo' kalo gumagaya' ra ukum ri Aki Kapuuno' muno kapoam undang-undang ru pamarintaan, musiti' ukumin ra pulaliin ra ukuman matoi, kapoam patirin, kapoam gaawon rapu' kapoam ukumin ra aputon.”