SAGULION 27:15 - Tanou Moonsoi Timugon

¹⁵ “ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

SAGULION 27:15 ပူးပေါင်းရင်းမြစ်များ

KASAUKAN 31:19

Paat raginio minongoi i Laban pagungkur ra bulu ru domba-domba nano, am paat raginio noyo tokowo' ri Ragil sinungkalalaing ri Laban no.

KASAUKAN 31:34

Alapo' boo ri Ragil sinungkalalaing no am pasubolo' no ra kantungan ru tuturungan ra unta nano, am turungi' no. Uliato' ri Laban ralalom kim ri Ragil no, kaa' kalo natuum no sinungkalalaing no.

KASAUKAN 9:25

indagu io, “Kausung noyo i Kanaan! Masauk io ra uliponon ru pabukat-pabukat nano.

2 RAJA'-RAJA' 17:19

Kaa' ulun ru Jiuda pana kalo giminagaya' ra ukum ru Tuhan, i Aki Kapuuno' nilo. Minaya' ilo ra kaindalaman ondo' binaal ru ulun ru Israil.

2 RAJA'-RAJA' 23:13

Nampajamol niayuk Raja' Josia ra altar-altar ondo' binaal ru Raja' Salomo giu' ra tampilon sirangon ru Jirusalim, tampilon ra rabugus ru Bulur Jaitun intok sambaan ra dewa-dewa ondo' makatataman, iono Asyitorit, dewa ru ulun ru Sidon; Kamos, dewa ru ulun ru Moab; am Milkom, dewa ru ulun ru Amon.

1 TUNUNG RU BANSA' ISRAIL 16:36

Omporo' noyo Tuhan, i Aki Kapuuno' ru Israil! Omporo' noyo Io raino am sabubuoi no! Kopongo raginio ngaangai' ulun ru Israil mindagu, “Amin”, am mongompor ilo ra Tuhan.

2 TUNUNG RU BANSA' ISRAIL 33:2

Raja' Manasi makatula ra Tuhan, sabap minaya' ra binaal malaat ondo' binaal ru bansa'-bansa' ondo' pinagiru' ru Tuhan paat ra ulun Nano nangayan ra pagun no ragili.

KAINGKUALAN 20:23

Pai' taligama' pambaal ra sinungkalalaing intor ra pirok kapoam mas koson sambaan ra sapapa' Kuno.

KAINGKUALAN 20:4

“Pai' baalo' sinungkalalaing ra tayar min, sinungkalalaing ondo' sumalu ra atan pana ondo' soroi ra limbowon, ra tana' ti kapoam ralalom ru timug ragana' ru tana' ti.

KAINGKUALAN 34:17

“Pai' pambaal ra tuhan-tuhan ra bokon intor ra basi', am pai' samba ra tuhan-tuhan ra bokon no.

JISAYA 44:13

Ulun manukang ra tataun manuku' ra tataun. Lukison no pagulu baalon nano mamakai ra kapur, puusin no mamakai ra kuliamos nano, am saukon no ra sinungkalalaing natilu ra ulun ondo' maindon, am pabantaan no ra ralalom ru baloi nano.

JISAYA 44:17

Suwo ru tataun no baalon ra sinungkalalaing, am igugulatur am sumamba io. Makiasi' io ra sinungkalalaing no am mindagu, “Okou noyo tuhan kuno; bayago' aku no!”

JISAYA 44:19

Ilo ondo' nambaal ra sinungkalalaing no kalo nakapangkara' ra mindagu, “Santayaran ra tataun no suruin ku; apui no pantutunu ku ra ruti' am pamanggangan ku ra kual, am akanon. Tataun ra suwo no saukon ku ra sinungkalalaing. Ilai' noyo, sambaan kuno saputul tataun ayuk!”

JIRIMIA 11:3

Aku, Tuhan i Aki Kapuuno' ru Israil, nagulas ra moonong ulun ondo' kalo giminagaya' ra ragu-ragu ru nabantuan no.

JIRIMIA 11:5

Amon ru baalon nilo ngaangai' no, suguton Ku bantu' Kuno ra kinamatuaan nilai ra pagun ondo' malabung am langkaya', ondo' raino inayanan nilo, pataakin Ku risilo.” Taam Aku, “Iou noyo Tuhan.”

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

JIRIMIA 28:6

“Moonsoi! Malansan aku ra Tuhan mambaal raginio! Gama' ru saukon No inala' muno ra totopot masauk, am ibiton No saguli' kuliamos ru Baloi ru Tuhan intor ra Babilonia mababaya' ra ngaangai' ulun ondo' pinatiran ra giu' no.

YEHEZKIEL 14:4

“Balai' ilo ra Aku, Tuhan Raja' mindagu, ‘Ulun ru Israil ondo' mangintopot ra sinungkalalaing saboi naratu' ralalom ru tula, am matong poyo boo makibilin intor ra sangulun nabi, makaapu ra taam intor Raki' – taaman ondo' nogondo' ra tula nilono.

YEHEZKIEL 7:20

Paat ragili mamanggo ilo ra intan ondo' moonsoi, kaa' pinakai nilo ginio koson mambaal ra sinungkalalaing ondo' makauyuyu'. Ginio ra Tuhan nambaal ra rapu' nilono makajala' risilo.

DANIL 11:31

Kukula' ngaulun saujor ru raja' mampajamol ra Baloi ru Tuhan. Langgain nilo taak simbalui orou-orou, am manirong ra ‘Karaat Ondo' Moporos’ no.

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

IMAMAT 26:1

Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

UNTABAN 5:22

Timug ondo' maparatong ra ulas ti sumubol ralalom tinai' muno am mapakabung, am niayuk mapakumpis ra tingkuangon muno.” Ruandu' no musiti' tumaam ra, “Mangiou aku, polosoon noyo Tuhan mambaal raginio.”

MATIUS 24:15

“Makakito kau ra Karaat Makalalaa', ondo' rinagu ri nabi Danil, migor ra Baloi Tuhan. (Pangkaraan ra mambabasa': Aratio' min atan pambalaan ragitio!)

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

1 KORINTUS 14:16

Paat ra akau maringkuanang ri Aki Kapuuno' mabaya' ra ragu tinaakan ru Ambiluo no, ati kulaan ulun ra bokon ondo' kolondo' kapandayan raginio mindagu ra “Amin” ra kiasi' mino? Kalo makarati' io ra kiasi' mini.

SAGULION 27:14

Ulun ru Liwi musiti' mindagu ra ragu ragitio ra bolos mosongou:

SAGULION 29:17

Nakito min sinungkalalaing nilo ra majamol, ondo' binaal intor ra tataun, batu, pirok am mas.

SAGULION 4:25

“Paat akau mabuoi noyo mayan ra pagun raginio am makaanak akupu noyo, pai' pambaal ra tula ra mambaal ra sinungkalalaing ralalom baal ru atan pana ra tayar ramuyun galama'. Binaal raginio malaat ra mato ru Tuhan, am baal raginio mangkinibit Riso sumangit.

SAGULION 5:8

‘Pai' pambaal ra sinungkalalaing tayar rirun, sinungkalalaing ondo' salu ru atan pana ondo' soroi giu' ra limbowon, giti ra tana' ti, kapoam giu' ralalom ru timug ra ragana' ru tana' ti.

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

TINGGANAI RU BANSA' 17:3

Pinasaguli' ri Mika pirok no ra ina' nano. Kon poyo ru ina' nano, “Maa' raginio okou, anak kuno kalo masulung ra ulas ondo' rinagu ku ragili, pataakon ku pirok ti ra Tuhan. Pirok ti pakayon koson patapison ra sinungkalalaing intor ra tataun. Pasagulion ku rirun pirok no.”

TINGGANAI RU BANSA' 17:4

Kopongo pinasaguli' ri Mika pirok no ra ina' nano, nangalap ina' nano ra ruo ngaatus ngampila' am pataako' no ra sangulun manukang ra pirok. Nanusub io ra manukang no mambaal ra rondo' sinungkalalaing intor ra tataun am patapiso' no ra pirok no. Paayano' boo sinungkalalaing no giu' ra baloi ri Mika.

1 SAMUIL 26:19

Raja' kuno, rongogo' ragu kutu. Amon ru Tuhan no nanusub rirun maa' raginio gumula' raki', rondo' taak ru taak simbalui makasalui ra sangit Nano raki'. Kaa' amon ru ondo' nanusub rirun no ulun, gama' ru ulason ilo ru Tuhan! Kinibit ru binaal nilono, aku ti pinagiru' noyo intor ra tana' longgom ru Tuhan am minugar kalalaat minongoi ra pagun ra bokon. Giu' no musiti' aku sumambayang ra dewa-dewa ru ulun bansa' ru bokon.