SAGULION 27:14 - Tanou Moonsoi Timugon

¹⁴ Ulun ru Liwi musiti' mindagu ra ragu ragitio ra bolos mosongou:

SAGULION 27:14 ပူးပေါင်းရင်းမြစ်များ

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

JOSUA 8:33

Ulun ru Israil nababaya' ra tingganai-tingganai, pagawai-pagawai am akim-akim nilo, am niayuk ulun bansa' ru bokon ondo' minayan risilo, minigor ra karuo-ruo sapapa' ru Kaban Nabantuan. Timiningkuang ilo ra imam-imam bansa' ru Liwi ondo' nansaan ra Kaban no. Sampiruo intor ra ulun ru Israil timiningkuang ra Gunung Girijim am sampiruo poyo timiningkuang ra Gunung Ibal. I Musa, ulipon ru Tuhan nanaak noyo risilo ra susuban koson mambaal raginio masaboi paat ra ilo barakaton.

SAGULION 27:13

Paat raguon pagulasan, bansa' ru Rubin, Gad, Asyir, Dan, Jibulon am Naptali musiti' migor giu' rasawat ru Gunung Ibal.

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

JOSUA 8:34

I Josua pana nambasa' ra ngaangai' Ukum no ra mosongou, nakaaya' ngaangai' barakat am ulas nano, totopot koson ra tinulisan ralalom Kitab ru Ukum.