SAGULION 26:8 - Tanou Moonsoi Timugon

⁸ Ra kuasa' am kaikangan Nano ondo' maayo namayag Io ramon intor ra Misir. Nambaal io ra kaimuagan, am baal makaimuag, am niayuk baal ondo' makalalaa'.

SAGULION 26:8 ပူးပေါင်းရင်းမြစ်များ

KAINGKUALAN 12:37

Ugar noyo ulun ru Israil ra mantana' intor ra bandar Ramsis mongoi ra bandar Sukot. Suang nilo 600,000 ngaulun ungkuyon, kalo nakaaya' ruandu' am lalaing.

KAINGKUALAN 12:41

Kaukop bilor ra ka 430, ngaangai' bansa' intor ra ulun ru Tuhan nangiruan ra pagun ru Misir.

KAINGKUALAN 12:51

Paat orou raginio magibit Tuhan ra ngaangai' bansa' ru Israil mingkual intor ra Misir.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

JIRIMIA 32:21

Inibit Mu ulun ru Israil miningkual intor ra Misir ra kuasa' am kaikangan Muno. Nambaal Kou ra kaimuagan am baal-baal makaimuag ondo' nampakalalaa' ra pantula'.

SAGULION 34:11

Kolondo' boo nabi ondo' igondo' nambaal ra kaimuagan am baal makaimuag koson ra binaal ri Musa; nanusub Tuhan ri Musa nambaal ra kaimuagan am baal makaimuag koson manggal ra raja' ru Misir, pagawai-pagawai ru raja' am titikop ru pagun no.

SAGULION 34:12

Kolondo' nabi ra bokon ondo' nambaal ra baal maayo am makalalaa' koson ra binaal ri Musa ra saang ru ngaangai' ulun ru Israil.

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.