SAGULION 26:5 - Tanou Moonsoi Timugon

⁵ Giu' boo ra saang ru Tuhan i Aki Kapuuno' min, akau musiti' mindagu ra ragu ragitio: ‘Kinamatuaan kuli sangulun Aram ondo' timinanggau. Nagibit io ra sasambaloi nano minongoi ra Misir am minayan ra giu' koson ulun bansa' ru bokon. Paat ra ilo minongoi ra giu' no, sanganu suang nilo, kaa' nasauk ilo boo ra rondo' bansa' ondo' maayo am maikang.

SAGULION 26:5 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 24:4

Musiti' kou sumaguli' ra pagun naganakan raki' i am panambili' ra anduon ri Isak anak ungkuyon kutu intor ra gino ngai' ru pabukat kuno ayuk poyo.”

KASAUKAN 25:20

Umur ri Isak apat ngoopor ngambilor paat nanangandu' ri Ribika, boborok ri Laban, anak ruandu' ri Bituil, ulun ru Aram intor ra Misopotamia.

KASAUKAN 27:41

Ginio ra masisang i Isau ri Jakub, sabap ra inanian ru ama' nano i Jakub ra barakat i. Migindagu io ra guang nano, “Panguliran ra ama' ku matoi maar noyo, potoyon ku i Jakub no!”

KASAUKAN 28:5

Poongoyo' boo ri Isak i Jakub ra pagun ru Misopotamia, mongoi ri Laban anak ungkuyon ri Bituil, ulun ru Aram, maayo ungkuyon ri Ribika ina' ri Jakub am i Isau.

KASAUKAN 31:20

Abawi' ri Jakub i Laban ra kalo nangimbalala' ra ugaran nilai.

KASAUKAN 31:24

Rondom raginio, ratong i Aki Kapuuno' ralalom inupi ri Laban am indagu riso, “Ilalai', pai' babanyou raguon muno ri Jakub.”

KASAUKAN 31:40

Masalok aku malasuan ra matawang am masimuan ra rondom, am masalok aku poyo malukou.

KASAUKAN 43:12

Pagibit kau niayuk ra ruit induo poyo suang no, sabap ra ruit ondo' natuum min ra karung mino musiti' pasagulion min toojo. Maaru' lair nalingawan.

KASAUKAN 45:11

Amon soroi kou ra Gosyin, makapagalung aku rirun. Mokoondo' limo ngambilor poyo buoi ru bitilan ti, am marara' aku ra okou, sasambaloi muno am ngaangai' bibiag muno mangaitilan.’ ”

KASAUKAN 45:7

I Aki Kapuuno' nangator noyo raki' sumigulu ramuyun koson mamayag ramuyun ra ralan ru baal makaimuag ti, am koson manutun ramuyun am papag mino maayag.

KASAUKAN 46:27

Anak ungkuyon ri Jusup ondo' inanak ra Misir ruo ngaulun, am suang ru sasambaloi ri Jakub ondo' soroi ra Misir tulu' ngoopor ngaulun.

KASAUKAN 47:27

Minayan ulun ru Israil ra pagun ru Misir giu' ra libung ru Gosyin, am liminangkaya' ilo am makaanak ra masuang.

KASAUKAN 47:4

Minatong akai ragiti koson mayan ra pagun ti sabap ra bitilan giu' ra tana' ru Kanaan makalalaa' saboi kolondo' sakot ru limayak kotopon ru biniag maino. Malansan akai mangiou kou ramon mayan ra libung ru Gosyin.”

KAINGKUALAN 1:12

Kaa' gumaai ingkotog ru ulun ru Misir mangimbolo' ra ulun ru Israil, gumaai poyo suang ru ulun ru Israil am nokopolos ngai' ra titikop ru pagun no, saboi mangalaa' ulun ru Misir risilo.

KAINGKUALAN 1:5

Ngaangai' suang ru papag ri Jakub tulu' ngoopor ngaulun. I Jusup anak ri Jakub nokosoroi noyo giu' ra Misir.

KAINGKUALAN 1:7

Kaa' papag nilo iono ulun ru Israil, makaanak ra masuang. Siminuang ilo kaga' am suang nilo giminaai toojo ra mataki' saboi pagun ru Misir natikop nilo.

GOSIA 12:12

Kaa', lakat poyo mokoondo' ondo' siminamba ra sinungkalalaing giu' ra Giliad am nampataak ra sapi' giu' ra rasawat ru altar giu' ra Gilgal. Kaa' matoi ilo ondo' siminamba ra sinungkalalaing no, am altar-altar giu' ra Gilgal masauk ra batu tinuntur giu' ra padang.”

GOSIA 12:13

Kinamatuaan takau, i Jakub, nagiru' ayuk kalalaat giu' ra pagun Misopotamia. Giu' no nangandoi io ra ulun bokon koson magagalung ra domba koson mokoowot ra andu'.

RINALATAN 7:15

Banding boo i Jakub ra pagun ru Misir am giu' i ayuk boo pinatayan nali am niayuk kinamatuaan takali ra bokon i poyo.

SAGULION 1:10

Sinauk kau noyo ru Tuhan i Aki Kapuuno' mino ra masuang am koson ra kinasuang ru butitin giu' ra limbowon.

SAGULION 10:22

Paat kinamatuaan min minongoi giu' ra Misir, suang nilo tulu' ngoopor ngaulun ayuk, kaa' raino Tuhan i Aki Kapuuno' min napasauk ramuyun koson ra kinasuang ru butitin giu' ra limbowon.”

SAGULION 26:4

Alapon ru imam bakul no intor ramuyun am pabantaan no ra saang ru altar ru Tuhan i Aki Kapuuno' min.

SAGULION 7:7

“Motogom Tuhan ramuyun, am nampili' ramuyun sala' ka ra masuang kau poyo intor ra bansa'-bansa' ra bokon; sotopot no bansa' mino ondo' boborok kaga' ra tana' ti.