SAGULION 26:2 - Tanou Moonsoi Timugon

² moonong ulun musiti' mangumung ra ampos kasaa' ru tinanom nano am pasuangon no ra rondo' bakul. Akau pana musiti' magibit raginio ra rondo' intok sambayangan no.

SAGULION 26:2 ပူးပေါင်းရင်းမြစ်များ

2 RAJA'-RAJA' 4:42

Paat ra sangarawan ra bokon, sangulun ungkuyon minatong intor ra Baal-Salisa. Nagibit io ra ruo ngoopor ruti' ondo' binaal intor ra barli ondo' kinumos galing paat ra bilor raginio, tayar ri Ilisa. Nagibit niayuk ungkuyon no ra gandum ondo' baguon. Panusub i Ilisa ra kambo nano mantayar-tayar ra ruti' no ra nabi-nabi.

2 TUNUNG RU BANSA' ISRAIL 31:5

Pakatanou ayuk susuban no, nagibit ulun ru Israil ra taak gandum ondo' moonsoi kaga', wain, umau jaitun, ruu' ru maningot am ampos ra tinanom ra bokon. Nagibit ilo niayuk ra sampiopor intor ra atan ayuk longgom nilo.

2 TUNUNG RU BANSA' ISRAIL 6:6

Kaa' raino nampili' Aku ra Jirusalim koson ra intok sambayangan Raki', am okou Daut, mamarinta ra ulun Kuno.’ ”

NIGIMIA 12:44

Paat raginio, kukula' ngaulun sinusub magalung ra intok-intok pambulian ra ulaan giu' ra Baloi ru Tuhan. Ulaan no nakaaya' taak sampiopor am unor-unor am niayuk kikinawa' ondo' kasaa' naansak ra moonong bilor. Ngaangai' ulun no linansanan manimung ra pataakon intor ra ulun-ulun magitanom giu' ra liliut ru bandar ra tayar ru imam-imam am ulun-ulun ru Liwi, koson ra nanusuban ru Taurat. Ngaangai' mamagun ru Jiuda mangurumat ra imam-imam am ulun-ulun ru Liwi,

NIGIMIA 13:31

Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak. Iou Aki Kapuuno', karaa' noyo ngaangai' baal ragitio, am barakato' noyo aku.

KAINGKUALAN 20:24

Baali' Aku ra altar intor ra tana'; papatampakan min ra taak domba am sapi' min koson ra taak simbalui koson mapabansuk ra guang ru Tuhan, am taak simbalui koson makibarakat ra Tuhan. Giu' ra moonong intok ondo' aruon Kuno ramuyun koson sumambayang Raki', matong Aku am mambarakat ramuyun.

KAINGKUALAN 22:29

“Paat ra ondo' inaru', papataak no Raki' ra santayaran intor ra gandum, wain am umau jaitun mino. “Pataako' Raki' anak ungkuyon katuaan mino,

KAINGKUALAN 23:16

“Iantako' noyo Pangiantakan Kapangaan Nanantab am mapataak ra ampos ru tinanom ondo' kasaa' kumoson. “Iantako' noyo Pangiantakan Mangkalukub ra Raun bulintok ra raun tumutu', paat ra akau manimung ra ampos ru umo ru anggur am ampos ru umo ru kikinawa'.

KAINGKUALAN 23:19

“Moonong bilor, ibito' noyo ampos kasaa' ondo' moonsoi kaga' intor ra tinanom mino ra baloi ru Tuhan i Aki Kapuuno' mino. “Pai' ansako' anak ru domba kapoam anak ru kambing ra gatas ru indung nano.”

KAINGKUALAN 34:26

“Moonong bilor, ibito' ampos kasaa' intor ra tana' min ra baloi ru Tuhan i Aki Kapuuno' min. “Pai' ansako' anak domba kapoam anak kambing ra gatas ru indung no.”

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

YEHEZKIEL 44:30

Imam-imam no musiti' aniin ra tayar moonsoi kaga' intor ra ngaangai' kumoson kasaa', am atan ayuk ondo' pataakon Raki'. Moonong igondo' ulun mangansak ra ruti', musiti' ilo mangani' ra ruti' kasaa' ra imam-imam no; am koson raginio noyo Aku mambarakat ra sasambaloi nilo.

YEHEZKIEL 48:14

Tana' linuntuk ra Tuhan iono tana' ondo' moonsoi kaga' giu' ra titikop pagun. Sandangou pana intor ra tana' no kalo iowon talanon, aligin kapoam pabandingon ra ulun bokon, sabap ra tana' no matulai am longgom ru Tuhan.

IMAMAT 2:12

Ampos ru tinanom ondo' kumoson galing mino ra moonong bilor musiti' pataakon ra Tuhan, kaa' taak no kalo solobon ra rasawat ru altar.

IMAMAT 2:14

Paat ra ampos ru tinanom galing ondo' kumoson mino pataakon ra Tuhan, pataakon unor baguon ondo' sininggala' kapoam ondo' inumok noyo kaga'.

ROMA 11:16

Amon ru sampilang kasaa' intor ra rondo' ruti' pataakin ri Aki Kapuuno', arati' no ngaangai' ruti' binaal i Io tatangan. Amon ru bakat ru tataun pataakon ri Aki Kapuuno', arati' no raan no pana Io tatangan.

ROMA 16:5

Bilin kaansayan ku niayuk ra pasimpungan ulun Kristian ondo' tumimung ra baloi nilono. Bilin kaansayan kuno ra rangan tagamin ku i Ipinitus, io ti ulun kasaa' ondo' nangintopot ri Kristus ra libung ru Asia.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

1 KORINTUS 15:20

Kaa' motopot toojo ra i Kristus binayag noyo saguli' intor ra kapatayan. Ginio noyo puun ru kalansanan takau ra ulun ondo' minatoi noyo bayagon saguli'.

1 KORINTUS 15:23

Kaa' sigagama' bayagon saguli' sumugut ra pangaruan Nano; kasaa' i Kristus; am tauli no paat ra Io matong saguli', bagu no ulun ondo' mangintopot Riso no.

1 KORINTUS 16:2

Koson ragitio: moonong orou Minggu', akau ngaangai' musiti' manimung ra ruit sumugut ra maalap ru sigagama'. Timungo' min kalalair ruit no saboi ra aku makaratong, maa' raginio, kalo pana timungon ra aku makasuku'.

SAGULION 16:10

Kopongo raginio iantako' Pangiantakan ra mangkumos koson mangurumat ra Tuhan i Aki Kapuuno' min. Panaak noyo Riso ra taak kalo kibayarin, sumugut ra suang ru barakat ondo' pinataakan noyo ramuyun.

SAGULION 18:4

Imam-imam musiti' aniin ra ampos kasaa' intor ra unor-unor, wain, umau jaitun am bulu ru domba.

SAGULION 26:1

“Mopongo ra akau mongoi ra tana' ondo' pataakon ru Tuhan i Aki Kapuuno' min am lumayun ra giu' no,

SAGULION 26:3

Ongoi noyo ra imam ondo' mangandoi paat raginio am indagu noyo riso, ‘Raino mangiou aku ra Tuhan i Aki Kapuuno' kuno ra minatong aku noyo ra tana' ondo' binantu' Nano ra kinamatuaan takau koson taakin ritakau.’

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.

JOSUA 18:1

Kopongo minayan ra pagun Kanaan, timung ngaangai' ulun ru Israil giu' ra Silo, am nopotolorog ra Kim ru Tuhan.

PINAINTALANG 14:4

Ilo ti ungkuyon ondo' kalo igondo' siminamba ra tuhan ra bokon. Ilo ti ungkuyon mapasau toojo ondo' kalo igondo' lampit ra ruandu'. Mapasau ilo mogondo' ra ralaa. Ilo ti sumunu' ayuk ra Anak Domba no ra ati ayuk angayan Nano. Binayag ilo intor ra ngaangai' ulun koson ilo ti kasaa' pataakin ri Aki Kapuuno' am ra Anak Domba.