SAGULION 25:5 - Tanou Moonsoi Timugon

⁵ Amon ru ruo ngaulun mabukat nasimpung ra inayanan, am minatoi sangulun ra kolondo' anak ungkuyon, napuor nano kalo mauwot ru ulun ra bokon suai poyo ra sasambaloi ru ralaki nano. Pabukat ru ulun ondo' minatoi noyo no aruon maguot ra napuor no.

SAGULION 25:5 ပူးပေါင်းရင်းမြစ်များ

KASAUKAN 19:31

Indagu anak ruandu' ra katuaan no ra boborok nano, “Matutuo noyo i ama' am titikop ra tana' ti kolondo' sangulun ungkuyon manangandu' rito koson mokoowot ra anak.

MATIUS 22:24

“Mangingila',” konilo, “Nabi Musa nangila'; Amon ru sangulun ungkuyon matoi ra kolondo' anak, pongkotob no musiti' manangandu' ra napuor no, am makaalap ilo ra anak koson manungkus ra sayat ru minatoi i!

MARKUS 12:19

“Mangingila', i Musa nanulis ritakau ra ukum ti: ‘Amon ru sangulun ungkuyon makaandu' matoi, kaa' kolondo' anak nilo, boborok no ra ungkuyon ti musiti' manangandu' ra along nano. Amon ru makaanak ilo, anak ragitio karaan koson ra sayat intor ra ralaki ra minatoi i.’

LUKAS 20:28

“Mangingila', mokoondo' tinulisan ra Ukum ri Musa, ‘Amon ru matoi sangulun ungkuyon makaandu', kaa' kolondo' anak nilo, napuor no paanduin ra pongkotob ru minatoi i. Amon ru makaanak ilo, gitio karaan koson sayat intor ra ralaki no ra minatoi i.’

RUT 1:11

Kaa' taam i Naomi, “Moonsoi poyo muli' kau. Kua baya' kau raki'? Aku ti kalo boo maganak koson paganduon ramuyun!

RUT 3:13

Kaa' ayan ayuk poyo ragiti. Susuab no, amon ru pabukat raginio masaga' magalung rirun, moonsoi niayuk. Amon ru kalo mambaal aku ra bantu' sabap ri Aki Kapuuno' ondo' maayag ra magalung aku rirun. Raino pombolong no saboi ra susuab.”

RUT 3:2

Karaa', ulun tatangan ra umo intok nangandayan muno am ngaangai' mangngandoi ruandu' no pabukat to poyo. Raino rongogo'! Maino no mangagik io ra barli.

RUT 3:9

“Osoi kou?” kuot ri Boas. “Aku i Rut, tuan,” taam nano. “Kasaga' no mamingkal ra sukub koson mangampin raki'; kasaga' no manangandu' raki'. Sabap okou no pabukat mamaar ramon, okou noyo napalansanan ra bayag kuno.”

RUT 4:5

Indagu poyo i Boas, “Iou noyo. Amon ru balion min tana' no intor ri Naomi, arati' no alapon min niayuk i Rut, ruandu' napuor ru bansa' ru Moab no. Koon raginio tana' no lakat poyo longgom ru ulun minatoi.”