SAGULION 24:8 - Tanou Moonsoi Timugon

⁸ Paat ra akau marualan ra maruol ru kungkung ondo' makalalaa', baalo' ra matanda' atan ondo' panusuban ramuyun ru imam bansa' ru Liwi. Bayaa' noyo panuluan-panuluan ondo' pinataakan ku noyo risilo.

SAGULION 24:8 ပူးပေါင်းရင်းမြစ်များ

JIRIMIA 33:18

am masalok soroi imam intor ra bansa' ru Liwi koson mangandoi ayuk Raki' am mampataak ra taak simbalui koson mapabansuk ra guang Kuno, taak simbalui koson paringkuanangan Raki', am taak-taak simbalui ra bokon.”

IMAMAT 13:57

Amon ru mujak saguli' kulapuk no, baal ragitio makaarati' ra gumaai poyo kulapuk. Musiti' solobon ru tatangan no kuliamos raginio.

IMAMAT 14:14

Mangalap imam ra sanganu raraa' ru anak domba no am pakupilon ra talingo pamiris, pangina' ru kalindu' ra pamiris, am ra pangina' ru kalayam ra pamiris ra ulun ondo' potonowon ra mapasau.

IMAMAT 14:2

aturan ragitilo intor ra upacara pamasawan ra sasangulun ondo' mapali' noyo intor ra maruol ru kungkung ondo' maaja'. Paat ra orou pinatanou ra ulun no mapasau, musiti' io ibiton ra imam.

IMAMAT 14:57

Aturan ragitilo mangaru' ru rorondo' kuliamos no majamol kia kapoam mapasau.

MATIUS 8:4

I Jisus pana mindagu riso, “Rongog, pai' pantunung ra baal ragitio ra osoi ayuk pana, kaa' parayus no ongoi tuum ra imam ru Jaudi, am pakitono' inan muno riso. Kopongo raginio pampataak boo ra taak koson ra nanusuban ri Musa. Gitio koson pampakitanan muno ra ngaangai' ulun ra napalian muno.”

MARKUS 1:44

“Karaa', pai' pantunung ra nasauk ragitio ra osoi-osoi ayuk pana, kaa' ongoi no ra imam Jaudi am polosoo' io mangiou ra okou nababas noyo. Mopongo raginio, pangani' noyo ra taak simbalui sumugut ra nanusuban ri Musa, koson mapaintutun ra ulun ra okou ti raino nababas noyo.”

LUKAS 17:14

Kakito ilo ri Jisus, indagu Io, “Ongoi kano ra imam Jaudi am polosoo' io mangiou ra akau nababas noyo.” Liliwa' ilo nangkiralan i, nababas ilo.

LUKAS 5:14

Nanginggalar i Jisus ra ulun no mantunung ra osoi ayuk pana ra atan nasauk riso. Indagu Io, “Sumugut ra Ukum ri Musa, ongoi no ra imam Jaudi am polosoo' io mangiou ra okou nababas noyo. Panaak boo niayuk ra taak simbalui maya' ra susuban ralalom Ukum ri Musa, koson tatandu' muno ra ngaangai' ulun ra napali' kono.”