SAGULION 24:6 - Tanou Moonsoi Timugon

⁶ Paat ra mapaira' kau ra rorondo' ra sasangulun, kalo iowon kau mangalap ra batu kinsaran nano ondo' pakayon manginsar ra gandum, koson ra jaminan. Ra mangalap raginio gumaau kau ra kuliamos ondo' pakayon ru sasambaloi nano koson manampos ra akanon tayar panunggul ra bayag.

SAGULION 24:6 ပူးပေါင်းရင်းမြစ်များ

KASAUKAN 44:30

Tungguli' poyo ri Jiuda, “Tuan, sabap raginio, amon ru muli' aku ra ama' kuno am kalio ibiton ku anak ti, maaru' matoi ama' mai. Painawo nano pinalansan no ra anak ti, ama' mai matutuo noyo am kangilukan ondo' porotongon mai riso makapamatoi riso.

AYUP 22:6

Koson mampajajal ra pabukat muno mambayar ra utang nano, ginaau mu bayang nano am pinoloso io nagibabaang.

MATIUS 24:41

Mogondo' niayuk ra ruo ngaulun ruandu' tatanga' mangandoi ra panginsaran ra gandum. Sangulun ibiton am sangulun patatangon.

LUKAS 12:15

Indagu poyo i Jisus risilo ngaangai', “Karaa' min, am ilalain kalit mino. Sabap ra sotopot no, sala' ka kuliamos ondo' maatang ra kaayagan ru ulun, kabalu' pana langkaya' io kakaga'.”

SAGULION 20:19

Paat ra akau kuminam mampagaau ra rondo' bandar, pai' tagaro' puun ru kikinawa' ra giu' no kabalu' pana liputin min bandar no ra mabuoi. Akano' noyo kinawa' no, kaa' pai' pusoo' puun-puun no. Puun-puun no sala' ka pantula' min.

SAGULION 24:5

“Sangulun ungkuyon ondo' bagu ayuk naguot kalo susubon masauk ra saujor kapoam kandoi ra inaru' ra bokon. Musiti' io aniin ra kalabusan buoi sambilor maa' raginio makapanalingapu io ra baloi nano am mapabansuk ra guang ru andu' nano.

SAGULION 24:7

Osoi ondo' mantakou ra ulun ra gino ngai' ulun ru Israil, am napasauk ra ulun no ra ulipon nano, kapoam nantalan riso koson ra ulipon, ulun mantakou ra ulun no musiti' ukumin ra matoi. Koson raginio noyo ra akau namuso ra kalaatan raginio.

PINAINTALANG 18:22

Bolos ru jitor, rimbai, tulali am bujung kalo boo rongogon ra intok no. Kolondo' boo sangulun mangandoi ra giu' no am bolos ru batu kinsaran pana kalo boo rongogon.