SAGULION 24:5 - Tanou Moonsoi Timugon

⁵ “Sangulun ungkuyon ondo' bagu ayuk naguot kalo susubon masauk ra saujor kapoam kandoi ra inaru' ra bokon. Musiti' io aniin ra kalabusan buoi sambilor maa' raginio makapanalingapu io ra baloi nano am mapabansuk ra guang ru andu' nano.

SAGULION 24:5 ပူးပေါင်းရင်းမြစ်များ

KASAUKAN 2:24

Ginio nai ra ungkuyon manatang ra ama' am ina' nano am masimpung ra andu' nano am ilo pana masauk rondo'.

AMSAL 5:18

Intor raginio, pakaansuk no ra andu' muno am uyumo' noyo kaansukan ra ralaa inandu' muli.

MAMPATANOU 9:9

Sia' no ra kaayagan ti mabaya' ra andu' katagaman muno, sabuoi ra kaayagan muno ondo' kolondo' onong, ondo' tinaakan ri Aki Kapuuno' rirun ra tana' ti. Sia' no ra moonong orou kabalu' pana kolondo' onong sabap ginio ayuk maalap muno intor bagui ru kandoi muno.

LUKAS 14:20

Bokon i mindagu, ‘Bagu aku ayuk naguot; ginio sabap ra aku kalo makaratong.’

1 KORINTUS 7:29

Pabukat kau ngaangai', gitio arati' ru kon kuli: kaluagan takau kalo boo mabuoi. Ginio ra tumalimpuun intor raino, moonong ungkuyon ra makaandu', moonsoi mampakaatang io ri Aki Kapuuno' ka mampakaatang ra andu' nano ayuk.

SAGULION 20:7

Mokoondo' osoi kia ragiti ondo' nantamung kapoam naguot noyo? Amon mokoondo', polosoon io muli. Amon kalo, maaru' ulun ra bokon maguot ra tamung nano.’

SAGULION 24:6

Paat ra mapaira' kau ra rorondo' ra sasangulun, kalo iowon kau mangalap ra batu kinsaran nano ondo' pakayon manginsar ra gandum, koson ra jaminan. Ra mangalap raginio gumaau kau ra kuliamos ondo' pakayon ru sasambaloi nano koson manampos ra akanon tayar panunggul ra bayag.