SAGULION 24:4 - Tanou Moonsoi Timugon

⁴ Ralalom ru karuruo baal raginio, ralaki kasaa' ru ruandu' no kalo iowon maguot poyo riso. Ralaki no musiti' mangkara' riso koson ra ruandu' ondo' jinamol noyo. Amon ru maguot poyo ungkuyon no ra ruandu' no, baal raginio masauk ra rondo' pagasaban ra Tuhan. Kalo iowon kau mambaal ra tula ra makalalaa' raginio giu' ra tana' ondo' pataakon ramuyun ru Tuhan i Aki Kapuuno' min.”

SAGULION 24:4 ပူးပေါင်းရင်းမြစ်များ

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

SAGULION 20:16

Kaa' paat ra akau mampagaau ra bandar-bandar giu' ra pagun ondo' pataakin ramuyun ru Tuhan i Aki Kapuuno' min, potoyo' noyo ngaangai' ulun ra giu' no.

SAGULION 24:3

Kaa' kalupus kukula' buoi, ungkuyon raginio niayuk kalo boo masaga' riso. Ungkuyon no pana nanaak riso ra surat pangalian am pinagiru' io intor ra baloi nano. Kapoam maaru' lair niayuk ra ungkuyon ra karuo no minatoi.

SAGULION 4:21

Sabap ra akau, siminangit Tuhan i Aki Kapuuno' min raki', saboi nagibot Io ra kalo makalaup aku ra sandaup ru Sungoi Jordan koson mongoi ra tana' ondo' malabung, ondo' pataakin Nano ramuyun.