SAGULION 24:3 - Tanou Moonsoi Timugon

³ Kaa' kalupus kukula' buoi, ungkuyon raginio niayuk kalo boo masaga' riso. Ungkuyon no pana nanaak riso ra surat pangalian am pinagiru' io intor ra baloi nano. Kapoam maaru' lair niayuk ra ungkuyon ra karuo no minatoi.

SAGULION 24:3 ပူးပေါင်းရင်းမြစ်များ

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JIRIMIA 3:8

Nakakito niayuk ri Jiuda ra inali am pinaugar Ku Israil, sabap ra nangiruan io Raki' am nasauk ra mantalan ra inan. Kaa' i Jiuda ondo' kalo gumagaya', pabukat ri Israil no, kalo malaa'. I Jiuda pana minaya' nasauk ra mantalan ra inan

MATIUS 5:31

“Mokoondo' niayuk pangilaan: ‘Osoi ayuk pana mangali ra andu' nano musiti' io manaak riso ra surat pangalian!’

MARKUS 10:4

Taam ilo, “I Musa nangiou koson sasangulun mangali ra andu' nano kaa' mambatik io galing ra surat pangalian.”

SAGULION 24:1

Amon naguot sangulun ungkuyon ra sangulun ruandu', am kapandayi' no ra rorondo' ondo' kalo kasagain no ra andu' nano. Ginio ra nanaak ungkuyon no riso ra surat pangalian am pinagiru' io intor ra baloi nano.

SAGULION 24:2

Kopongo raginio inandu' poyo ruandu' no ru sangulun ungkuyon ra bokon.

SAGULION 24:4

Ralalom ru karuruo baal raginio, ralaki kasaa' ru ruandu' no kalo iowon maguot poyo riso. Ralaki no musiti' mangkara' riso koson ra ruandu' ondo' jinamol noyo. Amon ru maguot poyo ungkuyon no ra ruandu' no, baal raginio masauk ra rondo' pagasaban ra Tuhan. Kalo iowon kau mambaal ra tula ra makalalaa' raginio giu' ra tana' ondo' pataakon ramuyun ru Tuhan i Aki Kapuuno' min.”