SAGULION 24:2 - Tanou Moonsoi Timugon

² Kopongo raginio inandu' poyo ruandu' no ru sangulun ungkuyon ra bokon.

SAGULION 24:2 ပူးပေါင်းရင်းမြစ်များ

YEHEZKIEL 44:22

Sasangulun imam kalo iowon magandu' ra ruandu' ondo' inali noyo. Sasangulun imam iowon ayuk magandu' ra ralaa ru Israil, kapoam ruandu' napuor inandu' ru imam.

IMAMAT 21:14

Kalo paguoton io ra sangulun napuor, kapoam ruandu' ondo' inali noyo, kapoam ruandu' ondo' ragili mantalan ra inan. Paguoton io ayuk ra sangulun ruandu' ondo' lakat poyo ralaa intor ra bansa' nano galama'.

IMAMAT 21:7

Sangulun imam kalo iowon maguot ra ruandu' mantalan ra inan, kapoam ruandu' ondo' kalo boo ralaa, kapoam ruandu' ra inali noyo, sabap ra patimpokon noyo imam Raki'.

IMAMAT 22:13

Kaa' anak ruandu' ru imam ondo' napuor noyo, kapoam ondo' inali am kolondo' anak, am minayan saguli' ra ama' nano am ama' nano mampakan riso, makaakan ra akanon ondo' maapu ru ama' nano ra imam no. Sasambaloi ru imam ayuk makaakan ra taak simbalui no.

UNTABAN 30:9

Paat ra sangulun napuor kapoam sangulun ruandu' ondo' inali noyo mokoondo' ra nazar kapoam nambantu' ra kalo mambaal ra rorondo' baal, nabangkil io ra nazar kapoam bantu' nano, am musiti' io manugut raginio.

MATIUS 5:32

Kaa' raino ti balain takamin: Osoi ayuk pana mangali ra andu' nano, kaa' ondo' ayuk ra io lumapau, io ti mangkinibit ra andu' nali lumapau amon ru mangindalaki io poyo. Ungkuyon ondo' manangandu' ra ruandu' i niayuk makaaya' ra baal lumapau.”

MARKUS 10:11

Indagu i Jisus risilo, “Osoi mangali ra andu' nano am maguot ra ruandu' ra bokon, ulun no lumapau ra andu' galing nano.

1 KORINTUS 7:15

Kaa' amon ru sangulun ondo' kalo mangintopot ri Aki Kapuuno' no moogot mangiruan ra andu' kapoam ralaki nano ra Kristian, pai' ilo no ingai'. Amon ru nasauk koson raginio, ralaki kapoam andu' ra Kristian no, pai' ilo jajali' masimpung, sabap ri Aki Kapuuno' galama' masaga' ramuyun maayag ra kaansayan.

SAGULION 24:1

Amon naguot sangulun ungkuyon ra sangulun ruandu', am kapandayi' no ra rorondo' ondo' kalo kasagain no ra andu' nano. Ginio ra nanaak ungkuyon no riso ra surat pangalian am pinagiru' io intor ra baloi nano.

SAGULION 24:3

Kaa' kalupus kukula' buoi, ungkuyon raginio niayuk kalo boo masaga' riso. Ungkuyon no pana nanaak riso ra surat pangalian am pinagiru' io intor ra baloi nano. Kapoam maaru' lair niayuk ra ungkuyon ra karuo no minatoi.