SAGULION 24:18 - Tanou Moonsoi Timugon

¹⁸ Karaa' noyo, nakaili' kau nasauk ra ulipon giu' ra Misir am pinalabus kau noyo ru Tuhan i Aki Kapuuno' min. Ginio sabap ra nanaak aku ramuyun ra aturan ragitio.

SAGULION 24:18 ပူးပေါင်းရင်းမြစ်များ

KAINGKUALAN 22:22

Pai' kalaat ra napuor kapoam anak nailusan ra matuo.

IMAMAT 19:33

“Pai' kapuka' ra ulun bansa' ru bokon ondo' minayan ra pagun mino.

SAGULION 15:15

Karaa' noyo ra galing i akau sinauk ra inulipon giu' ra Misir, am pinalabus kau noyo ru Tuhan i Aki Kapuuno' min. Ginio sabap ra aku manaak ramuyun ra susuban ragitio.

SAGULION 16:12

Gagaya' noyo ra susuban-susuban ragitio ra matanda'. Karaa' noyo ra inulipon kau giu' ra Misir ragili.”

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

SAGULION 24:19

Paat ra akau mangumung ra ampos ru kumoson min, am nakalilian nagibit ra sabangkos gandum, pai' rulio' koson mangalap raginio. Polosoon noyo gandum no tatangon ra ulun bansa' ru bokon, anak nailusan ra matuo am napuor, maa' raginio mambarakat Tuhan i Aki Kapuuno' min ra ngaangai' baalon min.

SAGULION 24:22

Pai' toojo makalilian ra nakaili' kau nasauk ra ulipon giu' ra Misir. Ginio noyo sabap ra nanaak aku ramuyun ra aturan ragitio.

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.