SAGULION 24:15 - Tanou Moonsoi Timugon

¹⁵ Moonong orou ra kalo poyo tumolop mato ru orou, gajiin io noyo tayar ru kandoi ra orou raginio. Makapakuan io ra gaji' no am malansan ra maapu' no. Amon kalo aniin min io ra gaji', mambala' io ra Tuhan intor akau, am raguon kau ra makatula.

SAGULION 24:15 ပူးပေါင်းရင်းမြစ်များ

AYUP 31:13

Paat ulipon kuno mampalaa sabap ra longgom nano ra kalo linio kuno, mangkirongog aku am pamakuan kuno riso matimpok.

AYUP 31:38

Amon ru nantakou aku ra tana' ondo' raduon kuno, am ginaau ku ginio intor ra ulun tatangan toojo no,

AYUP 34:28

Nangkinibit ilo ra ulun musikin mampalaa ri Aki Kapuuno', am morongog ri Aki Kapuuno' laa nilo.

AYUP 35:9

Paat ra ulun imboloon, mampalaa ilo; gumolok ilo makiindangan.

AYUP 7:2

koson ra ulipon ondo' moondom ra intok sindungan; koson ra mangngandoi ondo' maginaa ra gaji'.

MAZMUR 24:4

Ulun ondo' mabanis pampaguangan am moonsoi pangkaraan, ondo' kalo sumamba ra sinungkalalaing, kapoam mambaal ra bantu' ra magabau.

MAZMUR 25:1

Mazmur ri Daut. Ra Okou noyo, iou Tuhan, makiasi' aku;

MAZMUR 86:4

Iou Tuhan, bansuko' noyo guang ru ulipon Mutu, sabap ra nakiasi' aku Rirun.

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

JIRIMIA 22:13

Aibui boo ra ulun ondo' nambaal ra baloi nano ra kolondo' katimpakan, am kinaayo no ra kolondo' kabanisan ru guang. Nanusub io ra ulun mangandoi ra kalo gajiin, am kalo nambayar ra gaji' nilo.

IMAMAT 19:13

“Pai' pamparuung ra ulun, am pai' takawi' osoi pana. Pai' ingai' pambayar muno ra ulun ondo' nangandoi noyo rirun, pai' ingai' gaji' nano kabalu' ra sorondom pana.

IMAMAT 25:35

Amon ru sasangulun gino ngai' ulun ru Israil, ondo' minayan ramuyun nasauk ra musikin am kalo makapaginakan, musiti' min indanganon io koson ra akau mangindangan ra ulun bansa' ru bokon kapoam ulun minatong, maa' raginio marayus io makaayan ramuyun.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 20:8

Paat ra lumondom, indagu tatangan ra umo i ra mandur ru ulun-ulun mangngandoi i, ‘Piawo' ngaangai' mangngandoi am gajii' noyo, intor ra piniau ku mangandoi ra mamai' ti saboi ra ondo' nangandoi intor ra susuab i!’

MARKUS 10:19

Okou maaru' makapandai ra susuban ri Aki Kapuuno': ‘Pai' pampatoi, pai' lapau, pai' pantakou, pai' panguu' ra ulun bokon amon ru kalo motopot, pai' pamparuung, urumato' noyo ina' am ama' muno.’ ”

SAGULION 15:9

Pai' kau karara' mapaira' riso ra sasaban ayuk ra bilor mamuso ra utang mamaar noyo. Pai' polosoo' pangkaraan kinalaat raginio sumubol ra guang min. Amon ru marara' kau mapaira', mampalaa ulun no ra Tuhan am pabalaan kau ra makasala.

1 TIMOTIUS 5:18

Sabap ra mokoondo' noyo tinulisan ra Buuk Kitab, “Pai' noyo bongkoso' kabang ru sapi' paat ra io mangagik,” am poyo ra “Mangangandoi no maaya' mangapu ra ampos ru kandoi nano.”

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.