SAGULION 23:4 - Tanou Moonsoi Timugon

⁴ Kalo masaga' ilo mangani' ramuyun ra akanon am timug paat pangkiralanan min miningkual intor ra Misir. Nambayar ilo ri Biliam anak ri Bior, intor ra bandar Pitor giu' ra Misopotamia, koson nagulas ramuyun.

SAGULION 23:4 ပူးပေါင်းရင်းမြစ်များ

1 RAJA'-RAJA' 18:4

Paat ri Ijibil namatoi ra nabi-nabi ru Tuhan, binuni ri Obaja maatus ngaulun nabi giu' ra ralalom ru luang batu. Tinayar no ilo ra ruo ngampulalai, limo ngoopor ngaulun sampulalai. Nangani' io risilo ra akanon am inumon.)

IJRA 9:1

Kopongo ngaangai' no pinaugar, kukula' ngaulun tingganai ru Israil minatong raki'. Nambala' ilo ra mamagun ru Israil, nakaaya' imam-imam am ulun ru Liwi kalo siminuai intor ra bansa'-bansa' ondo' minayan giu' ra liliut nilo, iono bansa' ru Amon, Moab, Misir, Kanaan, Git, Piris, Jibusi am Amori. Nambaal ilo niayuk ra binaal malaat ru bansa'-bansa' raginio.

NIGIMIA 13:2

Baal no koon raginio paat ra ulun ru Israil ralalom pangkiralanan intor ra Misir, bansa' ru Amon am Moab marara' mangani' risilo ra akanon am inumon. Gili boo ginajian nilo i Biliam maa' raginio magulas ra bansa' ru Israil kaa' i Aki Kapuuno' takau nangulau ra ulas no nasauk ra barakat.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

JIRIMIA 49:1

Koon raginio noyo ragu ru Tuhan intor ra pagun ru Amon, “Ati kia giali ungkuyon ru Israil? Kolondo' kia osoi pana ondo' mangampin ra pagun nano? Kua kia polosoo' nilo bansa' ondo' siminamba ra Dewa Milkon nampagaau am minayan ra wilayah ru bansa' ru Gad?

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

YEHEZKIEL 44:9

“Aku, Tuhan Raja' nampatanou ra ulun bansa' ru bokon ondo' kalo sinunatan am ulun ondo' kalo giminagaya' Raki', kalo iowon sumubol ra Baloi Kuno. Ulun bansa' ru bokon ondo' minayan ra gino ngai' ru ulun ru Israil pana kalo iowon sumubol.”

JAKARIA 2:8

Osoi ayuk ondo' mamulunsar ramuyun, mamulunsar ra katagaman ru guang Kuno.” Ginio ra Tuhan Ondo' Maayo Kaga' Kuasa' nanusub raki' mampasaboi ra tanou ti ra bansa'-bansa' ondo' nantakou ra ulun Nano,

UNTABAN 22:17

Mambayar aku ra masuang kaga' am mangani' ra atan ayuk kitaakon muno. Ratong no am pagulas no ra ulun no ra tayar kuno.”

UNTABAN 23:7

I Biliam pana mindagu ra ragu inala' ragitio, “Raja' Balak, manguasa' ru Moab nagibit noyo raki' intor ra Siria, intor ra kagunungan giu' ra sirangon. Kono, ‘Ibok no, indagu no ra tayar kuno, ulaso' noyo ulun ru Israil.’

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

RINALATAN 9:4

Pakalaub io ra tana' am korongog no bolos minindagu riso, “Saulus, Saulus! Kua kia imboloo' mu Aku?”

JOSUA 24:9

Kopongo raginio, manguasa' ru Moab, Raja' Balak anak ri Jipor, nangayou ra Israil. Nanusub Raja' Balak ra ulun minongoi ri Biliam anak ri Bior am nangitaak riso magulas ramuyun.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

1 SAMUIL 25:11

Ati kulaan ku alapon ruti' am inumon kuno, am niayuk kual ondo' tinampos kuno ra tayar ru ulun mopolompor ra bulu ru domba-domba kuno, am pataakin ngaangai' no ra ulun ondo' tawa ati intor!”