SAGULION 22:21 - Tanou Moonsoi Timugon

²¹ tingganai-tingganai ru bandar no pana musiti' magibit ra ruandu' no giu' ra kulobon ru baloi ru matuo nano. Ungkuyon ru bandar no pana musiti' momobol riso saboi matoi, sabap nambaal io ra baal mapakauyu' ra gino ngai' ru bansa' takau. Nakimarulug io noyo ra kalo poyo nawot, paat ra io lakat poyo soroi ra baloi ru ama' nano. Koson raginio noyo akau namuso ra kalaatan no.

SAGULION 22:21 ပူးပေါင်းရင်းမြစ်များ

KASAUKAN 34:7

Naintuma' raginio anak-anak ri Jakub minuli' intor ra limayak. Kaining nilo tunung no, naliangan ilo am nasisang ilo kaga'. Sabap ra sinawa' anak ruandu' ri Jakub no, nanauyu' i Sikgim ra ngaangai' ulun ru Israil.

KASAUKAN 38:24

Olo'-olo' talu ngambulan raginio, mokoondo' sangulun nambala' ri Jiuda, “I Tamar, anak mangiwan muno narulug ra sangulun ungkuyon am raino maapang io.” Panusub i Jiuda, “Paingkualo' io am solobo' io saboi matoi.”

IMAMAT 19:29

“Pai' tauyuo' anak ruandu' muno ra mapasauk risilo ra ruandu' mantalan ra inan giu' ra kuil. Amon ru mambaal kau raginio, majamol pagun mino am lumanja' baal makauyuyu' ra giu' no.

IMAMAT 20:2

mambala' ra ulun ru Israil, “Osoi ayuk ra popolos mino, kapoam ulun bansa' ru bokon ra popolos mino, ondo' mapataak ra anak nano koson ra taak simbalui ra Dewa Molok, musiti' bobolon saboi matoi ru ngaangai' mamagun.

IMAMAT 21:9

Amon ru anak ruandu' ru sangulun imam masauk ra ruandu' mantalan ra inan, magasab io ra ama' nano; musiti' ruandu' no solobon saboi matoi.

IMAMAT 24:16

Musiti' ulun no ukumin ra matoi. Osoi ayuk magulas ra Tuhan, iou ra ulun ru Israil am niayuk ulun bansa' ru bokon ondo' minayan ra pagun ru Israil, musiti' bobolon ru ngaangai' ulun ru Israil saboi matoi.

IMAMAT 24:23

Pakasaboi ri Musa bala' raginio ra ulun ru Israil, ibito' nilo ulun ondo' nagulas ri Aki Kapuuno' no giu' ra liwar pangkiman, am bobolo' io boo saboi minatoi. Koon raginio noyo ulun ru Israil nambaal ra atan ondo' nanusuban ru Tuhan ri Musa.

SAGULION 13:10

Bobolo' noyo io saboi matoi! Kuminam io mapainggalur rirun intor ra Tuhan i Aki Kapuuno' min, ondo' namayag noyo ramuyun intor ra Misir, intok min inulipon ragili.

SAGULION 13:5

Kaa' potoyo' noyo nabi kapoam mambala' ra inupi ondo' nanusub ramuyun gumuor ra Tuhan ondo' namayag ramuyun intor ra Misir, intok min inulipon ragili. Ulun koson raginio malaat am kuminam mapalayau ramuyun intor ra kaayagan ondo' mapabansuk ra guang ru Tuhan. Musiti' potoyon ulun no, maa' raginio mairu' kalaatan intor ra gino ngai' min.

SAGULION 13:6

Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.

SAGULION 17:5

ibito' noyo ulun raginio giu' ra liwar ru bandar am bobolon ra batu saboi io matoi.

SAGULION 17:7

Ulun ondo' nasauk ra sasi' raginio noyo ondo' musiti' magulu momobol ra batu, bagu no ngaangai' ulun ra bokon momobol ra ulun no ra batu. Gitio ralan min mamuso ra kalaatan raginio.

SAGULION 19:19

musiti' io ukumin ondo' ukuman ondo' kuayan no ra ulun pinasala nano. Koson raginio akau mamuso ra kalaatan no.

SAGULION 21:21

Kopongo raginio bala ru ungkuyon giu' ra bandar no musiti' momobol ra anak no saboi matoi. Koson raginio, namuso kau ra kalaatan no. Moonong ulun giu' ra Israil mokorongog ra sauk raginio am malaa'.”

SAGULION 22:22

“Amon ru sangulun ungkuyon narampatan paat narulug ra andu' ru ulun bokon, ilo karuruo musiti' ukumin ra matoi. Koson raginio noyo akau namuso ra kalaatan no.

SAGULION 22:24

musiti' min ibiton ilo ruo ra liwar ru bandar am bobolon ilo saboi matoi. Ralaa no musiti' ukumin ra matoi sabap ra kalo giminolok io makiindangan kabalu' pana soroi io ralalom ru bandar, am bolos nano maluoi rongogon ru ulun. Ungkuyon no musiti' niayuk ukumin ra matoi sabap narulug io ra sangulun ralaa ondo' nantamung noyo. Koson raginio noyo akau namuso ra kalaatan no.

TINGGANAI RU BANSA' 19:23

Ingkual ulun matutuo no am indagu risilo, “Pai' rangan kau. Pai' baalo' baal malaat no! Ulun ti tambului ku.

TINGGANAI RU BANSA' 20:10

Mopor piatus intor ra suang ru ungkuyon ru Israil musiti' manampos ra akanon tayar ru saujor ondo' mongoi pamulunsar. Kaa' bokon no musiti' mangukum ra Gibia sabap kalaatan ondo' binaal nilo ra gino ngai' ru ulun ru Israil.”

TINGGANAI RU BANSA' 20:5

Pulusat ru mamagun ru Gibia minatong naguyum raki' paat ra rondom. Pinagawangan nilo baloi no sabap masaga' mamatoi raki'. Kaa' rinulug nilo ruandu' parulug kuli saboi io minatoi.

TINGGANAI RU BANSA' 20:6

Alapo' ku baangkai no am puputulo', am atari' ra mopor am ruo bansa' ru Israil, sigagama' saputul. Binaal ku ginio sabap nambaal ulun ru Gibia ra baal malaat am makauyuyu' ra tatanga' ru ulun ru Israil.