SAGULION 21:22 - Tanou Moonsoi Timugon22 “Amon sangulun inukum ra matoi sabap nambaal ra kalaatan, am baangkai nano tairon ra lugu', အခန်းကိုကြည့်ပါ။ |
Kopongo raginio i Rijpa, ruandu' parulug ru Raja' Saul, napaapin ra konoon karung ra io galama' giu' ra rasawat ru batu intok ru baangkai-baangkai no nakabanta'. Minayan io ra giu' no intor ra talimpuun ru bulintok mangkumos saboi ra rasam riminatu' ra bulintok ru tumutu' raun. Paat ra matawang mangunjau io ra susuit intor ra morop ra baangkai, am paat ra rondom, manindung io ra baangkai no intor ra bibiag masigo.
Amon rondo' ayuk bandar pakisindungan no, galur ru bandar no maaru' lair maalur kaga' am pabukat-pabukat ondo' makaguang koson mansuli' maaru' makarakop ra ulun ondo' namatoi noyo ra kalo siningon no, am ra likokot ru guang pabukat-pabukat nano mongoi pamatoi ra ulun kolondo' sala. Ulun no namatoi ra kalo siningon, am poyo ulun ondo' pinatoi no sala' ka pantula' nano.
I Josua nampatair ra raja' ru Ai ra sampuun tataun am baangkai no pinoloso ra giu' no saboi mamai'. Paat tumolop mato ru orou, nanusub i Josua ra ulun koson napatuun ra baangkai no am namatir raginio giu' ra saang ru kulobon garabang ru bandar. Pinumpunan nilo baangkai no ra batu saboi nasauk ra rondo' pumpun maayo; batu-batu no lakat poyo soroi ra giu' no saboi ra orou raiti'.