SAGULION 21:18 - Tanou Moonsoi Timugon

¹⁸ Amon mokoondo' sangulun ondo' makaanak ra bambalingatan, masaga' gumuor am kalo gumagaya' ra matuo nano kabalu' pana mangukum ilo riso.

SAGULION 21:18 ပူးပေါင်းရင်းမြစ်များ

2 SAMUIL 7:14

Masauk Aku ra ama' nano am masauk io ra anak Kuno. Paat ra io mambaal ra sala, mangukum Aku riso koson ra sangulun ama' mangukum ra anak nano.

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

KAINGKUALAN 21:15

“Osoi mapalamba' ra ama' nano kapoam ina' nano musiti' ukumin ra matoi.

KAINGKUALAN 21:17

“Osoi magulas ra ama' nano kapoam ina' nano musiti' ukumin ra matoi.

AMSAL 1:8

Karaa' noyo atan rinagu ru matuo muno rirun, anak kuno,

AMSAL 13:24

Ulun ra kalo mapalamba' ra anak nano, kalo motogom ra anak no. Ulun motogom ra anak no io musiti' mangubas ra anak no.

AMSAL 15:5

Ulun sasambungon mangimpai ra ilaan ru ama', kaa' ulun mapintar mampalio ra sawai.

AMSAL 19:18

Ubason anak ra lakat poyo mamulok. Amon ru kalo, mangkinibit kau ra ilo matutuk.

AMSAL 20:20

Osoi-osoi magulas ra matuo nano, bayag nano maliom koson ra lampung malasa' ra intok molondom.

AMSAL 22:15

Lalaing maubas mambaal ra baal ra saasala', kaa' lalapos makaila' risilo mangulau ra paliso.

AMSAL 28:24

Osoi mantakou ra matuo nano am guangon no baal koson raginio kolondo' tula, io no nogondo' ayuk ra mantatakou.

AMSAL 29:17

Ubaso' noyo ngaangai' anak mino; am manimayo ilo ramuyun am bansukon kau.

AMSAL 30:11

Mokoondo' ulun magulas ra ama' am kalo maringkuanang ra ina' nano.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

JISAYA 1:2

Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

JIRIMIA 31:18

Nokorongog Aku ra ulun ru Israil mindagu ra malumpus kaga', ‘Iou Tuhan, koson akai ra anak ru sapi' ondo' kalo poyo pinakaup, kaa' nangila' Kou ramon maa' raginio gumagaya' akai. Ibito' akai sumaguli'; nakatampos akai no sumaguli' Rirun, sabap Okou no Tuhan, i Aki Kapuuno' mai.

JIRIMIA 5:23

Kaa' mokotog guang min am maanggal-anggal; timinalansiang kau am nangiruan Raki'.

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

IMAMAT 21:9

Amon ru anak ruandu' ru sangulun imam masauk ra ruandu' mantalan ra inan, magasab io ra ama' nano; musiti' ruandu' no solobon saboi matoi.

SAGULION 21:19

Musiti' matuo ru anak no magibit riso ra saang ru tingganai-tingganai ru bandar, intok inayanan nilo, am mangitaak ra akimin anak raginio.

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

SAGULION 8:5

Karaa' noyo Tuhan i Aki Kapuuno' min nansawai ramuyun nogondo' koson ra sangulun ama' nansawai ra anak-anak nano.

1 SAMUIL 3:13

Nambala' Aku noyo riso ra mangukum Aku ra sasambaloi nano ra mantilayun, sabap ra anak-anak nano nagasab Raki'. Nakapandai i Ili ra binaal nilono, kaa' kalo ininggalaran no ilo.