SAGULION 21:16 - Tanou Moonsoi Timugon

¹⁶ Paat ra ulun no masaga' mangaru' ra pantayaran ra rapu' nano ra karuruo ngaulun anak nano, kalo iowon io maayo guang ra anak ru andu' tagamin nano, am aniin no anak no ra tayar ru rapu' ondo' masauk ra tayar tungkuson ru anak katuaan.

SAGULION 21:16 ပူးပေါင်းရင်းမြစ်များ

KASAUKAN 25:31

Taam i Jakub, “Ba, amon ru pataakon mu galing raki' longgom muno koson anak katuaan.”

1 TUNUNG RU BANSA' ISRAIL 26:10

I Gosa pinili' intor ra bansa' ru Mirari. Io mokoondo' apat anak ungkuyon: I Simri (ama' nano nampalantik riso nasauk ra tingganai kabalu' pana io sala' ka anak katuaan),

1 TUNUNG RU BANSA' ISRAIL 5:2

Kabalu' pana raginio, bansa' ru Jiuda nasauk ra bansa' ondo' maikang kaga', am intor ra bansa' raginio sangulun nasauk ra mamarinta ra titikop ru bansa' ru Israil.)

2 TUNUNG RU BANSA' ISRAIL 21:3

Ama' nilo nangani' risilo ra masuang mas, pirok, kuliamos mongologo ra bokon, am sigagama' niayuk inanian ra rondo' bandar ondo' mokoondo' ra kubu giu' ra Jiuda. Sabap ra i Jigoram anak ungkuyon katuaan, linantik ru Raja' Josapat anak ungkuyon nano malit riso.

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

SAGULION 21:15

“Amon mokoondo' sangulun ondo' makaandu' ruo ngaulun, am karuruo ngaulun andu' no naganak ra anak ungkuyon, kaa' anak ondo' katuaan sala' ka anak ru andu' tagamin nano.

SAGULION 21:17

Musiti' io mantayar ra rapu' induo ruli' ra anak katuaan nano, kabalu' pana anak raginio sala' ka anak ru andu' tagamin nano. Musiti' sangulun ama' mangiou ra anak katuaan nano, am mangani' riso ra tayar ru rapu' ondo' masauk ra tungkuson nano sumugut ra aturan.”

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.