SAGULION 20:3 - Tanou Moonsoi Timugon

³ ‘Rongogo' noyo, ulun ru Israil kau ngai'! Orou raiti' mangayou kau. Pai' kalaa' ra pantula', pai' katatak ambiluo am pai' pagalabo.

SAGULION 20:3 ပူးပေါင်းရင်းမြစ်များ

2 TUNUNG RU BANSA' ISRAIL 32:8

Raja' ru Asyur mokoondo' ra kuasa' ru ulun, kaa' itakau mokoondo' ra Tuhan, i Aki Kapuuno' takau, ondo' mangindangan am mangayou ra bala takau.” Mamagun naunsu' ru ragu ru raja' nilo.

AYUP 23:16

I Aki Kapuuno' Ondo' Maayo Kaga' Kuasa' namandak ra kinabaani kuno. Malaa' aku sabap ri Aki Kapuuno' am sala' ka sabap ru kalandaman, kabalu' pana kalandaman nampaliput raki' am natauban bulos kuno.

MAZMUR 3:6

Miluluya' aku, am pakalunus, am sorondom Tuhan manindung raki'.

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JISAYA 7:4

Susubo' io tumampos am pai' kalingas. Kalo pana malaa' io kapoam magalabo. Sangitan ru Raja' Rijin am ulun ru Siria am niayuk Raja' Pika kalo makalalaa' ka lisun intor ra ruo polompor ru luton.

UNTABAN 14:9

Pai' guor ra Tuhan, am pai' kalaa' ra mamagun ru tana' raginio. Makapangala takau risilo ra maluoi. Tuhan mabaya' ritakau, am nakapangala Io noyo ra mangampin risilo; ginio ra pai' no kalaa'.”

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MATIUS 10:31

Ginio ra pai' kano kalaa'. Maatang kau toojo intor ra nasuangan susuit pilit!”

MATIUS 8:26

Taam i Jisus, “Kua kalaa' kau? Topot-topot noyo malawo pangintapatan min!” I Jisus pana siminukal boo am palinoso' bagiu' am kinulun no. Linos boo bagiu' no am maliuk boo kaga'.

MARKUS 16:18

Amon ru mampaguut ilo ra kukuo kapoam manginum ilo ra tuwo, kolondo' karaat masauk risilo. Pabantaan nilo kalindu' nilo ra ulun marualan am ulun no mababas.”

MARKUS 16:6

Ungkuyon i mindagu risilo, “Pai' kalaa'! Nakapandai aku maguyum kau ri Jisus ulun ru Nasarit ondo' sinalip i. Kalio Io ragiti. Binayag Io saguli'! Ilai', gitio intok napabantaan ra baangkai Nali.

RINALATAN 27:24

Indagu malaikat i, ‘Pai' kalaa' Paulus! Makauma' kou niayuk ra Kaisar. Ra mataau i Aki Kapuuno' ra ulun nabaya' rirun ra kapal ti, ra ilo pana maayag mabaya' rirun.’

SAGULION 20:1

“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

SAGULION 20:2

Ra akau kalo poyo tumalimpuun mangayou, sangulun imam musiti' jumalai am mindagu ra pulalai ru saujor,

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

IBRANI 13:6

Intor raginio makakau' takau mindagu ra, “Tuhan noyo mangingindangan kuno, ginio ra kalo noyo malaa' aku. Kolondo' noyo maalap kabaal raki' ru ulun.”

JOSUA 23:10

Sangulun ramuyun nakapangala ra saribu ngaulun pantula', sabap ra Tuhan i Aki Kapuuno' min nangayou ramuyun koson ra binantu' Nano.

PINAINTALANG 2:10

Pai' kano kalaa' ra kaimbalaan ondo' malimanan min ra maagu no. Karaa'! Tingganai ru riwato no mangkinam ramuyun. Mangkinibit io ra kukula' intor ramuyun pasubolon ra pangaputan am mopor ngoorou buoi ru kapaganan mino. Gagaya' ayuk toojo Raki' saboi ra potoyon kau pana, am aniin takamin ra kaayagan mantilayun koson ra ampos ru kamanangan mino.

1 SAMUIL 17:32

Kon ri Daut ra Raja' Saul, “Raja' mai, osoi pana pai' kalaa' ra ulun ru Palistin no. Nakatampos aku no gumula' riso.”