SAGULION 20:1 - Tanou Moonsoi Timugon

¹ “Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

SAGULION 20:1 ပူးပေါင်းရင်းမြစ်များ

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

2 TUNUNG RU BANSA' ISRAIL 14:10

Raja' Asa miningkual koson manggal ri Jirag, am sigagama' nangatang ra saujor giu' ra Limayak Jipata mamaar ra Marisa.

2 TUNUNG RU BANSA' ISRAIL 14:11

Nakiasi' Raja' Asa ra Tuhan, i Aki Kapuuno' nano, “Iou Tuhan, masaga' kou mangindangan ra saujor ondo' malawo koson Okou mangindangan ra pulalai ondo' maikang. Raino indangano' akai, iou Tuhan, i Aki Kapuuno' mai, sabap ra lumansan akai Rirun. Ralalom inggalan Muno, akai raino mingkual mangayou ra saujor ondo' maayo ti. Okou no i Aki Kapuuno' mai, iou Tuhan; kolondo' osoi pana malansan makapangala Rirun.”

2 TUNUNG RU BANSA' ISRAIL 20:12

Okou no i Aki Kapuuno' mai! Ukumi' noyo ilo, sabap ra kalo maikang akai manggal ra saujor maayo ondo' mamulunsar ramon. Kalo makapandai akai atan musiti' mai baalon, kaa' matong akai Rirun makiindangan.”

2 TUNUNG RU BANSA' ISRAIL 20:15

Kon ri Jagajiil, “Okou raja' am ngaangai' mamagun ru Jiuda am Jirusalim, minindagu Tuhan ra akau pai' kalawo guang am malaa' makauma' ra pulalai ondo' maayo ti, sabap ra ondo' mangayou sala' ka akau, kaa' i Aki Kapuuno'.

MAZMUR 118:6

Kalo malaa' aku sabap ra Tuhan mabaya' raki'; atan kia maalap kabaal ru ulun no raki'?

MAZMUR 20:7

Raino nakapandai aku ra Tuhan nanaak ra kamanangan ra raja' ondo' pinili' Nano; intor ra suruga' Nano ra matulai no nangiou Tuhan ra kitaakon nali. Ralalom kuasa' ru Tuhan, raja' nakaalap ra kamanangan maayo.

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

MAZMUR 46:8

Tuhan Ondo' Maayo Kaga' Kuasa' mabaya' ritakau; i Aki Kapuuno' ri Jakub manindung ritakau.

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

JISAYA 31:1

Aibui boo ra ulun ondo' mongoi ra Misir koson makiindangan! Lumansan ilo ra kaikangan ru pulalai mangayou ru Misir ondo' kumura' ra kuda am kurita' kuda am saujor. Kaa' kalo lumansan ilo ra Tuhan, i Aki Kapuuno' ru Israil, i Aki Kapuuno' ondo' matulai kapoam makiindangan Riso.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 43:2

Bulintok ra akau sumandaup ra raat malandom, mabaya' Aku ramuyun; kalo makalom kau ralalom kapaganan. Bulintok ra akau mansail ra apui, kalo mosolob kau; kalo majamaran kau ra pangkinaman-pangkinaman ra maagat.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 16:14

Indagu Tuhan, “Masaboi paat no ra ulun kalo boo magibot ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra Misir.

JAKARIA 10:5

Mamagun ru Jiuda mamanang koson ra saujor ondo' manginjang-injang ra pantula' ralalom ru losok giu' ra ralan. Mangayou ilo sabap ra Tuhan mabaya' risilo. Kalaan nilo pantula' ondo' mangura' ra kuda.

UNTABAN 10:9

Paat ra akau mangayou giu' ra tana' min koson mangampin ra inan intor ra pantula' ondo' namulunsar ramuyun, samputi' bujung-bujung raginio koson manaak ra pulanu ru pangayawan. Aku Tuhan, i Aki Kapuuno' min, mangindangan am mamayag ramuyun intor ra pantula'.

UNTABAN 23:21

Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

SAGULION 1:29

Kaa' kaku, ‘Pai' kalaa' ra ulun ra giu'.

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.

SAGULION 20:2

Ra akau kalo poyo tumalimpuun mangayou, sangulun imam musiti' jumalai am mindagu ra pulalai ru saujor,

SAGULION 20:3

‘Rongogo' noyo, ulun ru Israil kau ngai'! Orou raiti' mangayou kau. Pai' kalaa' ra pantula', pai' katatak ambiluo am pai' pagalabo.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 31:8

Tuhan galama' maningganai am mabaya' rirun. Totopot Io kalo noyo maninduol kapoam mangiruan rirun. Ginio ra, pai' kalaa' kapoam malawo guang.”

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

SAGULION 7:18

Pai' kalaa' risilo. Karaa' noyo binaal ru Tuhan i Aki Kapuuno' min ra raja' ru Misir am ngaangai' mamagun nano.

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

SAGULION 9:3

Kaa' raino nakito min galama' ra Tuhan i Aki Kapuuno' min nagulu ramuyun koson ra apui ondo' mapaang. Kalaan No ilo liliwa' akau jumalai, maa' raginio makapapagiru' kau am mamuso risilo ra mataki', koson ondo' binantu' Nali.

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

JOSUA 11:9

Namakuan ri Josua ra pantula' nontopot ra susuban ru Tuhan; tinibasan no kuda-kuda am nonolob ra kurita' kuda nilono.

TINGGANAI RU BANSA' 6:12

Minintalang malaikat ru Tuhan ri Gidion ra giu' no am indagu, “Tuhan mabaya' rirun, okou buayoi mapanggol am baani!”

TINGGANAI RU BANSA' 6:16

Indagu Tuhan riso, “Mangindangan Aku rirun, sabap raginio maaru' makasugut kou. Kalaan mu ulun ru Midian ra ilain koson nantaluma' kou ra sangulun ayuk.”

1 SAMUIL 17:32

Kon ri Daut ra Raja' Saul, “Raja' mai, osoi pana pai' kalaa' ra ulun ru Palistin no. Nakatampos aku no gumula' riso.”