SAGULION 2:36 - Tanou Moonsoi Timugon

³⁶ Tuhan i Aki Kapuuno' takau nangindangan ritakau nampagaau ra ngaangai' bandar, intor ra Aroir giu' ra pompor ru limayak Arnon, am bandar ondo' giu' ra tanga' ru limayak no saboi ra libung Giliad. Kolondo' rondo' pana bandar makatimbok ondo' mapiot kaga' ritakau.

SAGULION 2:36 ပူးပေါင်းရင်းမြစ်များ

2 SAMUIL 24:5

Kopongo nakalaup ra Sungoi Jordan, i Joab am ulun-ulun nano nangkim giu' ra tampilon rabugus ru Aroir rondo' bandar giu' ra tatanga' ru limayak Gad. Intor ra giu' no minongoi ilo ra ralayo, minongoi ra Jaijir,

2 RAJA'-RAJA' 10:33

giu' ra tampilon sirangon ru Sungoi Jordan saboi ra bandar Aroir giu' ra tampilon rabugus, giu' ra kiing ru Sungoi Arnon. Wilayah no nakasimpung tana' ru Giliad am Basan, intok inayanan ru ulun bansa' ru Gad, Rubin, am Manasi Sirangon.

MAZMUR 44:3

Okou galama' nanginggalar ra ngaangai' bansa' maa' raginio ulun Muno mayan ra pagun nilo galama', inurana' Mu ngaangai' bansa' ra bokon, kaa' napasauk ra ulun Muno ra langkaya'.

KAINGKUALAN 23:31

Aruon Ku balitan ru pagun min intor ra Teluk Akaba mongoi ra Sungoi Iprat, am intor ra Raat Tanga' polos ra tana' kaagisan. Mangani' Aku ramuyun ra kuasa' ra mamagun ru pagun no, am pagiruon min ilo ra akau jumalai.

JISAYA 17:2

Bandar-bandar giu' ra pagun Siria iruanin ra sabuoi-buoi no. Sapi' am domba salilitau ra giu' no am kolondo' sangulun pana manganjung.

JIRIMIA 48:19

Akau ondo' minayan giu' ra bandar Aroir, bigor no giu' ra kiing ru ralan am paginaa no; kuati' noyo ulun ondo' tatanga' magiru', intor ra baal ondo' nasauk.

UNTABAN 32:34

Bansa' ru Gad nambaal saguli' ra bandar ondo' makatimbok: Dibon, Atarot, Aroir,

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

SAGULION 3:12

“Mopongo tana' raginio masauk ra longgom takau, nangani' aku ra bansa' ru Rubin am Gad ra tana' giu' ra ralayo ru bandar Aroir, maar ra Sungoi Arnon am santayaran intor ra kabuluran Giliad, nakasimpung bandar ra giu' no.

SAGULION 4:48

Tana' ondo' inayanan nilono malangka' saboi ra bandar Aroir giu' ra kiing ru Sungoi Arnon, am rayus ra ralayo saboi ra Gunung Siryon, iono Gunung Girmon;

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

JOSUA 12:2

Raja' ra sangulun no iono Raja' Sigon, raja' ru ulun ru Amori ondo' namarinta giu' ra Gisybon. Pamarintaan nano nakasimpung sampiruo intor ra libung Giliad: intor ra Aroir (giu' ra kiing ru limayak Arnon) am bandar giu' ra tatanga' ru limayak no saboi ra Sungoi Jabok, iono balitan ru Amon;

JOSUA 13:16

Wilayah nilo nakasimpung Aroir (giu' ra kiing ru limayak Sungoi Arnon) am bandar nakatatanga' ra limayak no, nakasimpung titikop ru tana' marata' masawat giu' ra liliut ru Midiba.

JOSUA 13:9

Wilayah nilo nakasimpung Aroir (giu' ra kiing ru limayak Sungoi Arnon) am bandar ondo' nakatatanga' ra limayak no, nakasimpung ngaangai' tana' marata' masawat intor ra Midiba saboi ra Dibon.

JOSUA 21:44

Nanaak Tuhan risilo ra kamiaan giu' ra titikop ru tana' no koson ra binantu' Nano ra kinamatuaan nilai. Kolondo' sangulun pantula' pana makaanggal risilo, sabap nanaak noyo Tuhan ra ulun ru Israil ra kamanangan ra ngaangai' pantula'.

TINGGANAI RU BANSA' 11:22

Minayan ilo ra titikop wilayah ru ulun ru Amori, tumalimpuun intor ra Arnon giu' ra tampilon rabugus saboi ra Jabok giu' ra tampilon ralayo am intor ra tana' kaagisan giu' ra tampilon sirangon saboi ra Sungoi Jordan giu' ra tampilon kalasaan.

TINGGANAI RU BANSA' 11:26

Ulun ru Israil minayan ra Gisybon, Aroir am pekan-pekan ra libung no, am niayuk ngaangai' bandar ra igig ru Sungoi Arnon buoi talu ngaatus ngambilor. Kua pai' mu gaawo' buoi ru ginio?