SAGULION 2:30 - Tanou Moonsoi Timugon

³⁰ Kaa' kalo nangiou Raja' Sigon ritakau nansail ra pagun nano. Ginio ra Tuhan i Aki Kapuuno' nangkinibit ra Raja' Sigon bambalingatan am mingkotog manggal ritakau, maa' raginio makapangala takau riso am mampagaau ra wilayah nano, ondo' inayanan takau saboi raino.

SAGULION 2:30 ပူးပေါင်းရင်းမြစ်များ

1 RAJA'-RAJA' 12:15

Masaga' Tuhan manugut ra ragu Nano ondo' pinasaboi ri Jirobiam anak ri Nibat ondo' pinabala' galing ra Nabi Agia intor ra Silo. Ginio sabap ra raja' no kalo nampalio ra kitaakon ru mamagun.

2 TUNUNG RU BANSA' ISRAIL 10:15

Tuhan i Aki Kapuuno' masaga' manugut ra ragu Nano ondo' pinasaboi ri Jirobiam anak ri Nibat ondo' pinabala' galing ra Nabi Agia intor ra Silo. Ginio noyo sabap ra raja' kalo nampalio ra kinitaak ru mamagun.

KAINGKUALAN 11:10

Nambaal i Musa am i Arun ra ngaangai' kaimuagan ra saang ru raja', kaa' nangkinibit Tuhan ra bambalingatan raja' no, saboi kalo mangiou raja' ra ulun ru Israil mangiruan ra pagun nano.

KAINGKUALAN 4:21

Indagu poyo Tuhan ri Musa, “Nangani' Aku noyo rirun ra kuasa' mambaal ra kaimuagan-kaimuagan. Ginio ra makasaboi kou ra Misir, baalo' ngaangai' kaimuagan ra saang ru raja' ru Misir. Kaa' mangkinibit Aku riso bambalingatan, saboi kalo makataak io ra ulun raginilo mugar.

KAINGKUALAN 7:14

Kopongo raginio indagu boo Tuhan ri Musa, “Bambalingatan kaga' raja', Kalo mapaugar io ra ulun ru Israil.

JISAYA 48:4

Makapandai aku ra akau bambalingatan, mokotog guang am makaulu batu.

SULABOI 3:65

Pagulas risilo am pampalawo ra guang nilo!

UNTABAN 21:23

Kaa' kalo nangiou Raja' Sigon ra ulun ru Israil mansail ra tana' nano. Timungo' ru Raja' Sigon saujor nano am ongoi ra Jagas koson mamulunsar ra ulun ru Israil giu' ra tana' kaagisan no.

UNTABAN 21:33

Ulun ru Israil pana liminikou am baya' ra ralan mongoi ra Basan. Kaa' Raja' Og intor ra Basan, minugar nababaya' ra saujor nano am namulunsar risilo giu' ra Idrii.

UNTABAN 21:34

Indagu Tuhan ri Musa, “Pai' kalaa' riso. Manaak Aku rirun ra kamanangan. Maala mu raja' raginio, ngaangai' mamagun nano, am mampagaau ra tana' am niayuk pagun raginio. Pamakuan ra raja' raginio koson ra pinamakuan muno ra Raja' Sigon, raja' Amori ondo' namarinta giu' ra Gisybon.”

SAGULION 2:31

Indagu boo Tuhan raki', ‘Ilai' noyo, pinataak Ku noyo ramuyun Raja' Sigon am pagun nano. Gaawo' noyo am ayani' noyo tana' nano.’

TINGGANAI RU BANSA' 11:20

Kaa' inimpayan niayuk ru Raja' Sigon kitaak nilo. Nanimung io ra ngaangai' pulalai ru saujor nano am nangkim giu' ra Jagas. Ilo pana namulunsar ra ulun ru Israil.