SAGULION 2:14 - Tanou Moonsoi Timugon

¹⁴ Sauk raginio nasauk talu ngoopor am balu' ngambilor malupus itakau nangiruan ra Kadis-Barnia. Ngaangai' ulun ondo' makapangayou intor ra ulun ondo' minatoi noyo, koson ondo' rinagu ru Tuhan.

SAGULION 2:14 ပူးပေါင်းရင်းမြစ်များ

MAZMUR 106:26

Ralalom boo ru pator binantu' Nano ra mamatoi risilo giu' ra tana' kaagisan,

MAZMUR 90:15

Anii' akai ra kaansukan ondo' kinasuang nano mogondo' ra kapaganan ondo' sinaanan mai moonong bilor ru kaimbalaan.

MAZMUR 90:3

Susubon Mu ulun sumaguli' ra nanaukan risilo, sinauk Mu ilo pasagulio' ra tana'.

MAZMUR 90:9

Sabap ra sangit Muno kinariwa' Mu umur mai; pupus ru bayag mai koson ra rondo' labus ra paminawaan.

MAZMUR 95:11

Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”

YEHEZKIEL 20:15

Ginio ra giu' ra tana' kaagisan no binantu' Ku kalo mangiou risilo mongoi ra tana' ondo' tinaakan Ku noyo risilo, tana' ondo' langkaya' am malabung am moonsoi kaga'.

UNTABAN 1:1

Paat ra orou kasaa' ra sila' karuo, ralalom bilor karuo malupus ulun ru Israil nangiruan ra Misir, indagu Tuhan ri Musa giu' ralalom Kim ru Tuhan giu' ra Intok masiluk Sinai. Indagu Io,

UNTABAN 13:26

ri Musa, i Arun am ra ngaangai' ulun ru Israil giu' ra Kadis, giu' ra tana' kaagisan Paran. Nambala' ilo ra atan ondo' nakito nilo am napakito ra kikinawa' ondo' inibit nilo.

UNTABAN 32:11

‘Kalo gumagaya' ulun raginio Raki'. Ginio ra mampator Aku ra kolondo' sangulun pana ondo' miningkual intor ra Misir, ondo' umur no nasailan ruo ngoopor ngambilor mokoongoi ra pagun ondo' binantu' Kuno ri Abragam, i Isak am i Jakub.’

1 KORINTUS 10:5

Kabalu' pana koson ragili, kasuangan nilai kalo kaansayin ri Aki Kapuuno', am gili sabap ra baangkai nilai rumampalangan ayuk boo giu' ra tana' kaagisan.

SAGULION 1:19

“Binaal takau susuban ru Tuhan i Aki Kapuuno' takau. Nangiruan takau ra Gunung Sinai, am minugar nansail ra tana' kaagisan ondo' malangka' am makalalaa', am niayuk sumaboi ra intok kabuluran ru pagun ru ulun ru Amori. Paat itakau nakasaboi giu' ra Kadis-Barnia,

SAGULION 1:2

Pangkiralanan intor ra Gunung Sinai mongoi ra Kadis-Barnia mansail ra libung kabuluran Idom, buoi no mopor am rondo' ngoorou.)

SAGULION 1:46

“Kopongo raginio minayan takau giu' ra Kadis ra nabuoi kaga'.

SAGULION 2:13

Itakau pana liminaup ra Sungoi Jirid koson ra nanusuban ru Tuhan.

SAGULION 2:16

Kopongo ilo ngaangai' minatoi,

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.

JOSUA 24:7

nampiau ilo Raki' makiindangan; naparatong Aku ra kalandaman ra lolot nilo am ulun ru Misir. Lininjob Ku ulun ru Misir ra timug ru raat saboi ilo nongolosor. Nakapandai kau ra atan binaal Kuno ra Misir. Nabuoi kau kaga' minayan ra tana' kaagisan.

JOSUA 5:4

Paat ulun ru Israil nangiruan ra Misir, ngaangai' ungkuyon nilo sinunatan noyo. Kaa' buoi apat ngoopor ngambilor pangkiralanan nilo giu' ra tana' kaagisan, kolondo' sangulun pana ra anak ungkuyon nilo nasunatan. Paat ra pupus ru apat ngoopor ngambilor raginio, ngaangai' ungkuyon ru Israil ondo' sama' umur koson mangayou paat ilo nangiruan ra Misir, minatoi sabap kalo giminagaya' ilo ra Tuhan. Nagibot Tuhan ra kalo pakitonon ilo ra tana' ondo' moonsoi am malabung, ondo' binantu' Nano ra kinamatuaan nilai.

JUDAS 1:5

Napandayan min noyo ngaangai' ru gitio. Kaa' masaga' aku poyo mampakara' ramuyun ati kulaan Tuhan namayag ra bansa' ru Israil intor ra pagun ru Misir, kaa' nopongo raginio, pinuso No niayuk ulun intor risilo ondo' kalo nangintopot Riso i.