SAGULION 19:6 - Tanou Moonsoi Timugon

⁶ Amon rondo' ayuk bandar pakisindungan no, galur ru bandar no maaru' lair maalur kaga' am pabukat-pabukat ondo' makaguang koson mansuli' maaru' makarakop ra ulun ondo' namatoi noyo ra kalo siningon no, am ra likokot ru guang pabukat-pabukat nano mongoi pamatoi ra ulun kolondo' sala. Ulun no namatoi ra kalo siningon, am poyo ulun ondo' pinatoi no sala' ka pantula' nano.

SAGULION 19:6 ပူးပေါင်းရင်းမြစ်များ

2 SAMUIL 14:7

Raino, ngaangai' ru sasambaloi kuno mantula' raki', am mansika' maa' raginio pataakon ku anak kuli ondo' namatoi no risilo. Masaga' ilo mangukum riso ra ukuman matoi sabap ra namatoi io noyo ra pabukat nano. Amon ru pataakon ku anak raginio, aku kolondo' boo anak. Mamuso ilo ra kalansanan kuno ra rondo' no ayuk am kalo manatang ra sangulun anak ungkuyon ra ralaki kuli koson manunggul ra papag nano.”

UNTABAN 35:12

Giu' no maayag io intor ra pabukat ru ulun ondo' pinatoi, ondo' masaga' mansuli'. Sasangulun ondo' inuwan namatoi ra ulun, kalo maukuman ra matoi saboi bisaraan ulun no ra saang ru ulun masuang.

SAGULION 19:5

Koson ra, amon ruo ngaulun mongoi ra kataunan mantagar ra tataun, am sangulun no liliwa' mantagar, kapak no nabutus intor ra tanggayan am pakatiu' ra rangan nano am patoi. Ulun ondo' namatoi ra kalo siningon no iowon pagiruon ra rondo' ra bandar no maa' raginio kalo potoyon.

SAGULION 19:7

Ginio sabap ra manusub aku ramuyun maa' raginio mapasuai ra talu bandar panindungan.

SAGULION 21:22

“Amon sangulun inukum ra matoi sabap nambaal ra kalaatan, am baangkai nano tairon ra lugu',

JOSUA 20:5

Amon ru ulun ondo' masaga' mansuli' no maya' riso ra giu' no, kalo mataakan io ru mamagun ru bandar raginio ra ulun raginio. Musiti' nilo ampinin io sabap namatoi io ra ulun ra kalo siningon am sala' ka siminangit.