SAGULION 19:5 - Tanou Moonsoi Timugon

⁵ Koson ra, amon ruo ngaulun mongoi ra kataunan mantagar ra tataun, am sangulun no liliwa' mantagar, kapak no nabutus intor ra tanggayan am pakatiu' ra rangan nano am patoi. Ulun ondo' namatoi ra kalo siningon no iowon pagiruon ra rondo' ra bandar no maa' raginio kalo potoyon.

SAGULION 19:5 ပူးပေါင်းရင်းမြစ်များ

2 RAJA'-RAJA' 6:4

Ginio ra nababaya' ilo minugar. Paat ra ilo nakasaboi mamaar ra Sungoi Jordan, tumalimpuun ilo mangandoi.

AMSAL 27:12

Ulun ra mapintar iliwin no kalaanan amon ru makito no, kaa' ulun sasambungon polosoon no io malumpa' ra karaat am tauli no pansagulian guang nano.

JISAYA 32:2

Ilo koson ra intok sindungan intor ra angin am bagiu'. Koson ilo ra sungoi-sungoi ondo' tumilis ra tana' kaagisan, koson ra nasindungan ru batu maayo giu' ra tana' mapua'.

UNTABAN 35:25

Polosoon noyo ulun masuang manindung ra ulun inuwan no intor ra pabukat ondo' masaga' mansuli', am nagibit riso sumaguli' ra bandar panindungan, intok nano nagiru'. Musiti' io mayan ra giu' saboi matoi Tingganai Maayo Imam paat raginio.

SAGULION 19:4

Amon ru kalo siningon namatoi ra ulun ondo' sala' ka pantula' nano, makapagiru' io rondo' ra bandar no maa' raginio mabayag.

SAGULION 19:6

Amon rondo' ayuk bandar pakisindungan no, galur ru bandar no maaru' lair maalur kaga' am pabukat-pabukat ondo' makaguang koson mansuli' maaru' makarakop ra ulun ondo' namatoi noyo ra kalo siningon no, am ra likokot ru guang pabukat-pabukat nano mongoi pamatoi ra ulun kolondo' sala. Ulun no namatoi ra kalo siningon, am poyo ulun ondo' pinatoi no sala' ka pantula' nano.