SAGULION 19:15 - Tanou Moonsoi Timugon

¹⁵ “Sangulun sasi' kalo maukop koson mapainono' ra kasalaan ru sasangulun. Musiti' no mokoondo' ruo ngaulun sasi' koson mapainono' ra sasangulun no makatula.

SAGULION 19:15 ပူးပေါင်းရင်းမြစ်များ

1 RAJA'-RAJA' 21:10

Mopongo raginio susubo' ruo ngaulun malaat manturung mantaluma' ri Nabot am manguu' riso ra nagulas io ri Aki Kapuuno' am raja'. Mopongo raginio ibito' io mingkual ra bandar am bobolo' io saboi matoi.”

1 RAJA'-RAJA' 21:13

Ratong ruo ngaulun malaat no am turung ra taluma' ri Nabot. Nanguu' ilo ri Nabot ra saang ru ulun masuang ra nagulas io ri Aki Kapuuno' am raja'. Ginio ra inibit i Nabot miningkual ra bandar am binobol saboi minatoi.

UNTABAN 35:30

Sasangulun ondo' inuwan ra mamatoi, iowon makasala am ukumin ra matoi, amon ru baal raginio mainono' ru ruo ngaulun kapoam nasailan sasi'. Inono' ru sangulun kalo maukop ra tayar ru baal pamatayan.

MATIUS 18:16

Kaa' amon ru kalo mangkirongog io rirun, pagibit no sangulun rangan kapoam ruo poyo. Sabap ra mokoondo' tinulisan ra Buuk Kitab: ‘Amon ru kalo rongogon kou, pagibit no ruo kapoam talu ngaulun sasi' mambala' riso.’

JUANIS 7:51

“Sumugut ra Ukum ri Musa, kalo makapangukum takau ra sasangulun ru kalo poyo morongog ragu nano am niayuk mapandayan takau atan binaal nano.”

JUANIS 8:17

Mokoondo' tinulisan ra Ukum ri Musa: Kaintutunan ru ruo ngaulun sasi' motopot.

2 KORINTUS 13:1

Gitio noyo kaintalu ra aku mongoi ramuyun. Tinulisan noyo ra Buuk Kitab, “Atan ayuk panguwan, musiti' mokoondo' ruo kapoam talu ngaulun sasi'.”

SAGULION 17:6

Iowon ayuk sangulun bobolon saboi matoi amon ru mokoondo' ruo kapoam talu ngaulun sasi' ondo' mononsol riso, kaa' kalo iowon io bobolon amon mokoondo' sangulun ayuk sasi'.

1 TIMOTIUS 5:19

Amon ru sangulun magagalung ra pasimpungan ulun Kristian uwin, pai' pangintopot amon ru kalo sungkaan ru ruo kapoam talu ngaulun sasi'.

IBRANI 10:28

Ra galing i, osoi ayuk kalo giminagaya' ra Ukum ri Musa am mokoondo' ruo kapoam talu ngaulun sasi' ra makasala io, ulun no pinatoi ra kalo asiin.