SAGULION 19:12 - Tanou Moonsoi Timugon

¹² Ralalom ru baal raginio tingganai-tingganai intor ra bandar ru ulun namatoi no galama' musiti' mampiau riso, am mapataak riso ra pabukat-pabukat ondo' makaguang koson mansuli' tayar ru namatayan raginio. Koson raginio ulun namatoi no iowon ukumin ra matoi.

SAGULION 19:12 ပူးပေါင်းရင်းမြစ်များ

KASAUKAN 9:5

Amon sangungulun ondo' mamatoi ra ulun, ukumin Ku io ra matoi. Ukumin Ku ra potoyon atan ayuk bibiag ondo' mamatoi ra ulun.

2 SAMUIL 14:7

Raino, ngaangai' ru sasambaloi kuno mantula' raki', am mansika' maa' raginio pataakon ku anak kuli ondo' namatoi no risilo. Masaga' ilo mangukum riso ra ukuman matoi sabap ra namatoi io noyo ra pabukat nano. Amon ru pataakon ku anak raginio, aku kolondo' boo anak. Mamuso ilo ra kalansanan kuno ra rondo' no ayuk am kalo manatang ra sangulun anak ungkuyon ra ralaki kuli koson manunggul ra papag nano.”

KAINGKUALAN 21:14

Kaa' amon ru sumangit sasangulun am sumingon mamatoi ra ulun bokon, musiti' io ukumin ra matoi kabalu' pana magiru' io ra altar Kuno makiampin.

SAGULION 19:11

“Kaa' suai ru amon sasangulun magawang ra pantula' nano am ra siningon am niayuk masisang mamatoi riso, am magiru' ra rondo' ra bandar panindungan koson makisindung.

SAGULION 19:13

Pai' pakaasi' ra ulun namatoi no. Palabuso' ulun ru Israil intor ra ulun namatoi no maa' raginio makakaansayan kau.”

SAGULION 27:24

“ ‘Kaulas noyo ulun ondo' nambaal ra pamatayan ra sinokon.’ “Ngaangai' ulun tumaam ra, ‘Amin!’