SAGULION 18:3 - Tanou Moonsoi Timugon

³ “Paat ra pataakon sapi' kapoam domba koson ra taak simbalui, am tampilon ra limbawo, bungul ru salura am tinai' ru bibiag no musiti' pataakon ra imam.

SAGULION 18:3 ပူးပေါင်းရင်းမြစ်များ

KAINGKUALAN 29:27

“Ralalom upacara patimpokon ru imam, kubab am paa ru domba gawayan ondo' pakayon ralalom upacara patimpokon no musiti' pataakon Raki' koson taak paluntukon am pasuayon tayar ru imam-imam.

KAINGKUALAN 29:28

Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

IMAMAT 22:7

Mokotolop mato ru orou bagu no mapasau io, am makaakan io ra taak simbalui ondo' palilion ayuk no sabap ra ginio noyo akanon nano.

UNTABAN 18:11

Suai raginio, ngaangai' indangan luntukon ra bokon ondo' pinataak ru ulun ru Israil Raki' masauk ra okou tatangan. Pataakon Ku ngaangai' no rirun, anak-anak muno ungkuyon am ruandu'. Aturan ragitio masauk sabuoi-buoi no. Moonong sasambaloi muno ondo' kalo najamalan makaakan raginio.

UNTABAN 18:12

Pataakon Ku rirun ngaangai' ampos kasaa' ondo' moonsoi kaga', ondo' pataakon ru ulun ru Israil Raki' ra moonong bilor: umau jaitun, wain am gandum.

SAGULION 12:27

Giu' no pataako' noyo taak simbalui koson mapabansuk ra guang ru Tuhan, giu' rasawat ru altar ru Tuhan. Pataako' niayuk taak simbalui ondo' kual no akanon min, am pasasaro' raraa' nano ra rasawat ru altar.