SAGULION 18:20 - Tanou Moonsoi Timugon

²⁰ Kaa' amon ru baani sangulun nabi mapasaboi ra tanou ralalom ru inggalan Kuno, kaa' sotopot no kalo manusub Aku riso mambaal raginio, nabi no musiti' matoi. Moonong nabi ondo' mindagu ralalom ru inggalan ru tuhan-tuhan ra bokon musiti' matoi.’

SAGULION 18:20 ပူးပေါင်းရင်းမြစ်များ

JIRIMIA 27:15

Tuhan galama' minindagu ra kalo nanusub Io risilo, am nagabau ilo rirun raja' ralalom ru inggalan Nano. Ginio ra pagiruon No am mamuso rirun raja' mababaya' ra nabi-nabi ondo' nagabau noyo rirun raja'.”

MATIUS 7:15

“Ilalai' min ulun-ulun ondo' migiangku ra nabi. Rumatong ilo ramuyun tumilu ra domba, kaa' sotopot no ilo ti koson ra taani masangit.

JAKARIA 13:3

Kopongo raginio osoi ayuk ondo' lakat poyo masaga' mindagu ra manala', matuo nano galama' mambala' riso ra musiti' io ukumin ra matoi, sabap ra mangiou nampasaboi ra tanou ru Tuhan, kaa' sotopot no nagabau io. Paat ra io mindagu ra manala', matuo nano galama' monobok riso saboi matoi.

YEHEZKIEL 13:6

Pinaintalang risilo no kalo motopot am ondo' inala' nilo pana kalo motopot. Mangiou ilo ra mampasaboi ra ragu Kuno, kaa' kalo nanusub Aku risilo. Kaa' malansan ilo maa' raginio ondo' inala' nilono masauk.

JIRIMIA 23:31

Inanggal Ku niayuk nabi-nabi ondo' nampasaboi ra ragu-ragu galama', am minindagu ra ragu-ragu no intor Raki'.

JIRIMIA 2:8

Kalo nangkuot imam-imam, ‘Ati boo Tuhan?’ Imam-imam Kuno pana kalo nakaulig Raki'. Panguasa'-panguasa' giminuor Raki'; nabi-nabi minindagu ralalom inggalan ru Baal am sinamba sinungkalalaing ondo' kolondo' onong.”

1 RAJA'-RAJA' 18:27

Paat ra tanga' ru orou, tumalimpuun i Ilia magasab-gasab risilo, kono, “Pakiasi' ra mosongou poyo! Baal tuhan alia ginio! Maaru' lair tatanga' io magilampuang kapoam minongoi ra jamban. Maaru' lair niayuk tatanga' io minongoi ra intok ra bokon! Kapoam maaru' lair niayuk tatanga' io nombolong, am musiti' kau mangkarat riso!”

2 PITRUS 2:12

Kaa' ulun-ulun migigiangku ra mangingila' no kolondo' guang. Ilo ti koson ayuk ra bibiag mangasigo ondo' rokopon am potoyon ayuk. Magasab ilo ayuk ra atan ondo' kalo naratian nilai no. Gitio boo kinibit ra ilo ti pusoon.

1 RAJA'-RAJA' 18:40

I Ilia pana nanusub, “Rokopo' nabi-nabi ru Baal no; pai' polosoo' sangulun pana makapagiru'!” Rokopo' nilo ngaangai' nabi no. Nagibit i Ilia risilo mongoi ra Sungoi Kison am pamatoi risilo.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

1 RAJA'-RAJA' 18:19

Raino susubo' noyo ngaangai' ulun ru Israil koson tumuum raki' giu' ra Gunung Karmil. Ibito' apat ngaatus ngaulun nabi ru Baal am apat ngaatus ngaulun nabi ru Dewi Asyira ondo' tinampilanan ru Raja' Ruandu' Ijibil.”

SAGULION 17:12

Osoi baani mansang ra akim kapoam imam ondo' mangandoi musiti' ukumin ra matoi; gitio ralan min mamuso ra kalaatan ra Israil.

SAGULION 18:21

“Maaru' lair ru kukuot kau ralalom ru guang, ‘Ati kulaan akai makapandai ru tanou ru nabi no intor ra Tuhan kapoam kalo?’

SAGULION 18:22

Amon ru mindagu sangulun nabi ralalom inggalan ru Tuhan, am ondo' raguon nano kalo masauk, am tanou no pana sala' ka tanou intor ra Tuhan. Minindagu nabi no maya' ra karaan galama', am kalo pana malaa' kau riso.”

JIRIMIA 23:30

Inanggal Ku nabi-nabi ondo' nampasaboi ra tanou intor ra gino ngai' ilo, am minindagu ra tanou no intor Raki'.

JIRIMIA 26:11

Imam-imam am nabi-nabi minindagu ra tingganai-tingganai am ra mamagun, “Ulun ragitio sotopot no ukumin ra matoi sabap ra minindagu io ra ondo' manggal ra bandar takau. Akau galama' nokorongog noyo.”

SAGULION 13:6

Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.

TINGGANAI RU BANSA' 2:15

Moonong ra ilo mongoi pangayou, manggal Tuhan risilo, koson ra ondo' pinakara' Nano risilo. Natiu' ilo ra kapaganan ondo' maayo kaga'.

1 RAJA'-RAJA' 13:19

Ginio ra nabi intor ra Jiuda no minaya' riso minuli' am nangakan nabaya' riso.

JAKARIA 13:2

Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.