SAGULION 18:15 - Tanou Moonsoi Timugon

¹⁵ Kaa' manusub Tuhan i Aki Kapuuno' min ra sangulun nabi ramuyun; nabi no koson raki' am iono intor ra bansa' min galama'; musiti' kau gumagaya' riso.

SAGULION 18:15 ပူးပေါင်းရင်းမြစ်များ

GOSIA 12:14

Nanusub Tuhan ra sangulun nabi koson mampalabus ra ulun ru Israil intor ra pangulipanan giu' ra Misir, am koson magalung risilo.

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.

UNTABAN 12:8

Ginio ra minindagu Aku riso ra mantaluma', sailon toojo am sala' ka misunggait; am nakakito io noyo ra baal Kuno. Kua kia baani kau manggal ri Musa, ulipon Kuno?”

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 21:11

Taam ulun-ulun siminunu' ri Jisus no, “Gitio noyo nabi Jisus, intor ra pekan Nasarit, libung ru Galilia.”

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

LUKAS 2:25

Paat ragili giu' ra bandar Jirusalim mokoondo' sangulun ungkuyon, makainggalan ri Simion. Io sangulun motopot ondo' gumagaya' ri Aki Kapuuno' am maginaa ra pamayagan ru Israil. Kinuasa'

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

LUKAS 24:19

Pangkuot i Jisus, “Atan guat nasauk i?” Taam ilo, “Ondo' nasauk ri Jisus ulun ru Nasarit i. Io tupo sangulun nabi. Ngaangai' ragu am baalon Nali kinuasa' ri Aki Kapuuno' am ngaangai' mamagun nangiou Riso.

LUKAS 7:16

Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

LUKAS 9:35

Kaining nilo bolos intor ra gaun minindagu, “Gitio noyo Anak ondo' pinili' Kutu. Pangkirongog kano Riso!”

JUANIS 1:21

Ginio ra pangkuot ilo, “Koson poyo ragino, osoi kou guat? Nabi Ilia kia?” Taam i Juanis, “Sala'.” Pangkuot ilo poyo, “Nabi binantu' i kia?” Taam io, “Sala'.”

JUANIS 1:25

Ginio ra pangkuot ilo ri Juanis, “Amon ru sala' ka okou Mamamayag ondo' sinusub ri Aki Kapuuno', kapoam i Ilia, kapoam Nabi binantu' i, kua pampariu' kou ra ulun?”

JUANIS 1:45

Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

JUANIS 4:19

Indagu ruandu' i, “Tuan, makapandai aku ra Okou ti sangulun nabi.

JUANIS 6:29

Indagu i Jisus, “Gitio noyo baalon min koson sumugut ra kasagaan ri Aki Kapuuno'; pangintopot kano Riso ondo' sinusub ri Aki Kapuuno'.”

JUANIS 9:17

Pangkuot poyo ulun-ulun ru Parisi ra ulun i, “Kamu, binabas No mato muni. Koson poyo raginio, guang mu, osoi Io?” “Io ti sangulun nabi,” kon boo ru ulun i.

RINALATAN 7:37

I Musa ti noyo minindagu ra bansa' ru Israil ra, ‘Manusub poyo i Aki Kapuuno' ra sangulun nabi intor ra bansa' min galama', koson niayuk ra Io nanusub raki'.’

SAGULION 34:10

Intor raginio, kolondo' nabi koson ri Musa giu' ra Israil; minindagu Tuhan ri Musa ra nampakito ra bulos.

SAGULION 5:5

Paat ragili nasauk aku ra mampasuku' min am Tuhan koson mampasaboi ra ragu Nano ramuyun, sabap malaa' kau ra apui no am kalo masaga' magaloi ra gunung. Indagu Tuhan,

1 TIMOTIUS 2:5

Sabap ra rorondo' ayuk i Aki Kapuuno' am rondo' niayuk ondo' mompobonsoi ritakau ri Aki Kapuuno', iono i Jisus Kristus, ondo' nasauk ra ulun.

1 JUANIS 3:23

Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.