SAGULION 18:10 - Tanou Moonsoi Timugon

¹⁰ Pai' papataak ra anak-anak min koson ra taak ondo' solobon ra rasawat ru altar. Pai' polosoo' osoi pana ra gino ngai' min masauk ra mangngilong kapoam maguyum ra tatandu', kapoam mamakai ra jampi

SAGULION 18:10 ပူးပေါင်းရင်းမြစ်များ

KASAUKAN 44:5

Kua tokowo' min sangkir pirok ru tuan mai? Sangkir raginio noyo panginuman nano am ondo' pangilong nano ra atan masauk ra orou matong no. Nambaal kau ra kalaatan maayo!’ ”

2 RAJA'-RAJA' 16:3

Minaya' io ra binaal ru raja'-raja' ru Israil, am poyo nampataak io ra anak nano galama' koson ra taak simbalui ra dewa-dewa. Minaya' io ra kaindalaman ru mamagun ru pagun ondo' pinagiru' ru Tuhan paat ra ulun ru Israil siminubol ra pagun raginio.

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

2 RAJA'-RAJA' 17:17

Pinataak nilo anak-anak nilo koson ra taak simbalui ondo' solobon ra dewa-dewa. Minongoi ilo pakiilong ra babalian am mangingilong. Mingkotog ilo toojo mambaal ra atan ondo' malaat ra pagilangan ru Tuhan, am napasingkual ra sangit Nano.

2 RAJA'-RAJA' 21:6

Nampataak io ra anak ungkuyon nano koson ra taak simbalui ondo' solobon. Nambaal io ra mangilong am sihir, am nakitulu' io ra mangngilong am babalian. Maayo tula nano ra Tuhan am napasingkual ra sangit Nano.

2 RAJA'-RAJA' 23:24

Koson manugut ra ukum-ukum ondo' nakasuang ralalom ru kitab ondo' natuum ru Tingganai maayo Imam Ilkia giu' ra Baloi ru Tuhan no, pinagiru' ru Raja' Josia no ngaangai' mampiau ra ambiluo ulun minatoi am mangingilong intor ra Jirusalim. Raja' Josia namatir niayuk ra ngaangai' dewa ru baloi, sinungkalalaing sambaan am ngaangai' kuliamos ondo' pinakai sumamba ra dewa.

1 TUNUNG RU BANSA' ISRAIL 10:13

Raja' Saul minatoi sabap ra kalo giminagaya' io ra Tuhan, am kalo siminugut ra susuban ru Tuhan. Nakitulu' Raja' Saul intor ra ambiluo ru ulun namagatoi,

2 TUNUNG RU BANSA' ISRAIL 28:3

Nonolob io ra kaminyan giu' ra Limayak Ginom, am poyo nampataak ra anak-anak ungkuyon nano galama' koson ra taak simbalui ondo' solobon ra sinungkalalaing. Minaya' io ra binaal malaat ru bansa' ondo' pinagiru' ru Tuhan paat ra ulun ru Israil siminubol ra pagun no.

2 TUNUNG RU BANSA' ISRAIL 33:6

Pinataak no anak-anak ungkuyon nano giu' ra Limayak Ginom koson ra taak simbalui ondo' solobon. Nangimaya' io ra kapandayan mangilong am sihir, nampiau io ra ulun-ulun mangilong am babalian. Raja' Manasi makatula' toojo ra Tuhan am napasingkual ra sangit Nano.

KAINGKUALAN 22:17

Kaa' amon ru kalo mangiou ama' ru ralaa no ra ungkuyon no maguot ra anak nano, musiti' ungkuyon no mambayar ra ruit suang ru mulo ru sangulun ralaa ra ama' no.

KAINGKUALAN 22:18

“Potoyo' moonong ruandu' ondo' mapandai kaga' ra sihir.

JISAYA 47:13

Kalo boo manguasa' kou kabalu' pana masuang pinson naapu muno. Polosoon noyo ulun mapandai mangilong mamayag rirun; migigila' ilo ra butitin-butitin, mangurio ra linsuk-linsuk ru limbowon ra moonong bulan, manala' ra atan kasaukan muno ra tauli no.

JIRIMIA 27:10

Namparuung ilo ramuyun saboi inibit kau ra maalur intor ra pagun min. Pagiruon Takamin, am mapuso kau.

JIRIMIA 27:9

Pai' rongogo' nabi min kapoam osoi pana ondo' manginggalar ramuyun kumuku' ra raja' Babilonia, kabalu' pana mangiou ilo ra makapanala' ra orou tauli, inda' pana ralalom ru inupi, kapoam mampiau ra ambiluo ru ulun minatoi, kapoam kapandayan ra sihir.

JIRIMIA 32:35

Nambaal ilo ra altar-altar ra Baal giu' ra Limayak Ginom, am nampataak ra anak-anak nilo ra Dewa Molok. Sotopot no, kalo igondo' Aku nanusub risilo mambaal raginio, am poyo kalo igondo' tabual ralalom ru pangkaraan Kuno ra baalon nilo baal malaat raginio am nangkinibit ra ulun ru Jiuda makatula.”

JIRIMIA 7:31

Nambaal ilo rondo' altar ondo' ininggalanan ra Topit giu' ra Limayak Ginom. Giu' ra rasawat ru altar no nonolob ilo ra anak-anak nilo, ungkuyon am ruandu', koson ra taak simbalui. Sotopot no kalo igondo' Aku panusub risilo mambaal raginio, am niayuk kalo igondo' baal raginio miningkual intor ra pangkaraan Kuno.

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

IMAMAT 19:31

“Pai' ongoi pakibilin intor ra ulun ondo' mapandai makimansunur ra ambiluo ru ulun namagatoi. Amon ru mambaal kau raginio, majamol kau. Aku noyo Tuhan i Aki Kapuuno' min.

IMAMAT 20:6

“Osoi ayuk mongoi pakibilin intor ra ulun ondo' mapandai makimansunur ra ambiluo ru ulun namagatoi, ukumin Ku am kalo boo mangkara' Aku ra ulun Kuno.

MIKA 5:12

Pusoon Ku sinungkalalaing min am batu pangkaraan ondo' sambaan min. Kalo boo sumamba kau ra kuliamos-kuliamos ondo' binaal min galama'.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

RINALATAN 19:19

Ilo ondo' mapandai mangilong, nanimung ra buuk igigilaan nilo am solobo' ra saang ru ulun masuang. Logo ru ngaangai' buuk no mokoondo' lair limo ngoopor ngaribu ruit pirok.

RINALATAN 8:9

Giu' no mokoondo' niayuk sangulun ungkuyon makainggalan ri Simon. Nabuoi noyo io nambaal ra ulun Samaria mangaliangan koson magilong ra baal kaimuagan nali. Io rokoon sangulun mapandai mangingilong,

GALATIA 5:20

sumamba ra sinungkalalaing am kapandayan ra sihir. Mangkinibit ra ulun mantutula', mansasangor, magigingot, masasangit am masaga' makiompor ra ulun, kalo mogondo' guang am mansusuai ayuk.

SAGULION 12:31

Pai' samba ra Tuhan i Aki Kapuuno' min ra ralan nilo sumamba ra tuhan-tuhan nilo, sabap ra paat ilo sumamba ra tuhan-tuhan no, nambaal ilo ra ngaangai' ra baal malaat ondo' kasisangin ru Tuhan. Mulu' poyo anak nilo galama' pana sinolob nilo ra rasawat ru altar koson taak simbalui ra tuhan-tuhan nilo.

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

1 SAMUIL 28:3

Minatoi noyo i Samuil am tinangian io ru ngaangai' ru ulun ru Israil, am linobong giu' ra Rama, bandar nano. Kukula' buoi ra nakasail no pinagiru' ru Raja' Saul ngaangai' mangngilong am mampiau ra ambiluo ru ulun minatoi intor ra Israil.

1 SAMUIL 28:7

Ginio ra indagu Raja' Saul ra pagawai-pagawai nano, “Paguyum kano ra sangulun ruandu' mampiau ra ambiluo ru ulun minatoi. Masaga' aku tumuum riso koson makitulu'.” Taam ilo, “Giu' ra In-Dor mokoondo' sangulun mampiau ra ambiluo ru ulun minatoi.”

1 SAMUIL 28:8

Ginio ra siminalu Raja' Saul maa' raginio kalo mauligan ru ulun. Nambayang io ra bayang ra bokon. Binaya' ru ruo ngaulun ungkuyon, minugar Raja' Saul tampilon ra rondom. Nakasaboi ilo ra baloi ru ulun mampiau ra ambiluo ru ulun minatoi no, am indagu Raja' Saul, “Piawo' noyo ambiluo ru ulun ondo' sabiton ku inggalan nano, am kitaako' noyo maa' raginio manala' io ra atan boo ondo' masauk.”

1 SAMUIL 28:9

Taam ruandu' no, “Maaru' okou pana nakapandai ra jinajalan noyo ru Raja' Saul no ngaangai' mangngilong am mampiau ra ambiluo ru ulun minatoi koson mangiruan ra Israil. Kua pangkinam kou mangurana' raki' saboi potoyon aku?”