SAGULION 18:1 - Tanou Moonsoi Timugon

¹ “Ngaangai' bansa' ru Liwi, nakaaya' imam-imam kalo iowon mangapu ra tayar ru tana' giu' ra Israil, kaa' makaapu ilo ra santayaran ra taak am taak simbalui ra bokon ondo' pataakon ra Tuhan.

SAGULION 18:1 ပူးပေါင်းရင်းမြစ်များ

JIRIMIA 33:18

am masalok soroi imam intor ra bansa' ru Liwi koson mangandoi ayuk Raki' am mampataak ra taak simbalui koson mapabansuk ra guang Kuno, taak simbalui koson paringkuanangan Raki', am taak-taak simbalui ra bokon.”

YEHEZKIEL 44:28

“Imam-imam no musiti' mangapu ra kandoi no koson ra tayar nilo intor ra atan ondo' tinaakan Kuno ra Israil tungkus-manungkus. Kalo iowon ilo mompolonggom ra pinatungkus giu' ra Israil; Aku noyo pinatungkus risilo.

UNTABAN 18:20

Indagu Tuhan ri Arun, “Kalo makaalap kou ra atan pana rapu' koson ra tungkuson. Kolondo' tayar ru tana' giu' ra Israil masauk ra longgom muno. Aku Tuhan noyo tungkuson muno.”

UNTABAN 26:62

Ungkuyon intor ra bansa' ru Liwi ondo' umur no nasailan sansila' suang no 23,000 ngaulun. Pinarijisto ilo nansuai ra ulun ru Israil ra bokon sabap kalo makaalap ilo ra tana' tungkus giu' ra tana' Israil.

SAGULION 10:9

Ginio sabap ra bansa' ru Liwi kalo nakaalap ra tana' koson ra bansa'-bansa' ra bokon, sabap ra nangapu ra kaapuan inaru' koson masauk ra imam ru Tuhan koson ra binantu' ru Tuhan i Aki Kapuuno' min.)

SAGULION 12:19

Pai' liliani' ulun ru Liwi, buoi akau mayan ra tana' min.

JOSUA 13:14

I Musa kalo nanaak ra bansa' ru Liwi ra tana' sabap sumugut ra susuban ru Tuhan ri Musa, pataakin risilo tayar intor ra taak-taak simbalui ondo' solobon ra rasawat ru altar tayar ru Tuhan i Aki Kapuuno' ru Israil.

JOSUA 13:33

Kaa' kalo nanaak i Musa ra tayar ru tana' ra ati pana ra bansa' ru Liwi. Nambala' i Musa risilo ra tayar nilo iono intor ra taak-taak simbalui ondo' pataakon ra Tuhan i Aki Kapuuno' ru Israil.

JOSUA 18:7

Kaa' bansa' ru Liwi kalo makaalap ra tayar ru tana' mabaya' ramuyun, sabap tayar nilo iono mangandoi ra Tuhan koson ra imam. Bansa' ru Gad, Rubin am Manasi Sirangon nakaalap noyo ra tana' giu' ra tampilon sirangon ru Sungoi Jordan, ondo' tinaakan ri Musa, ulipon ru Tuhan risilo.”