SAGULION 17:8 - Tanou Moonsoi Timugon

⁸ Maaru' mokoondo' kukula' baal ra mompolonggom, kapilatan, kapoam intor ra baal pamatayan ra siningon, kapoam kalo siningon ondo' mapagon kaga' akimin ru akim rondo' intok. Paat ra mokoondo' baal koson raginio, kataki' noyo mongoi ra rondo' intok sambayangan ondo' pinili' ru Tuhan i Aki Kapuuno' min.

SAGULION 17:8 ပူးပေါင်းရင်းမြစ်များ

2 SAMUIL 15:2

Kaindalaman ri Absalom sumukal ra susuab ti am migor ra kiing ru ralan mamaar ra kulobon garabang ru bandar. Moonong ulun ondo' masaga' mambala' ra baal nano ra raja', piawon am kuatin ri Absalom. Kono, “Akau ti intor ra ati bansa'?” Amon ru taamon ru ulun no, “Intor ra bansa' ragitio kapoam ginio,”

1 TUNUNG RU BANSA' ISRAIL 26:29

Papag ri Jijgar, iono i Kinanya am niayuk anak-anak nano, inanian ra kandoi ru upis pamarintaan am kandoi pangakiman giu' ra Israil.

KAINGKUALAN 18:15

Taam i Musa, “Musiti' ku baalon kandoi ti sabap ra ulun matong raki' koson makapandai ra kasagaan ri Aki Kapuuno'.

KAINGKUALAN 18:26

Magail ilo mangandoi koson ra akim ru ulun ru Israil. Nambala' ilo ra baal ondo' mangapagon ri Musa, kaa' ilo galama' manalasai ra pansangaran ondo' mongoborok.

KAINGKUALAN 21:20

“Amon ru mapalamba' sasangulun ra ulipon nano ra tataun, ulipon ra ungkuyon kapoam ruandu', am marayus matoi ulipon no, musiti' ulun ra napalamba' ra ulipon no ukumin.

KAINGKUALAN 21:22

“Amon ru mokoondo' kukula' ngaulun ungkuyon mansangor am namilat ra sangulun ruandu' maapang saboi io mairuan, kaa' ruandu' no galama' kalo napilatan tayar ra bokon, ulun ondo' namilat ra ruandu' no musiti' tagion sumugut ra kitaak ru ralaki ru ruandu' no, am pangiawan ru akim.

KAINGKUALAN 21:28

“Amon ru manangau sanginan sapi' gawayan ra sasangulun saboi io matoi, musiti' sapi' gawayan no potoyon bambangon ra batu am kual no kalo maakan, kaa' kalo ukumin tatangan no.

KAINGKUALAN 22:2

Musiti' ulun no mangalig ra atan pana ondo' tokowon nano. Amon ru kolondo' io ra atan pana, musiti' io talanon koson ra ulipon pambayar ra atan ondo' tinakou nano. Amon ru ondo' tinakou nano sapi', kaladai kapoam domba, am nakito ra lakat poyo maayag soroi ra ulun no, musiti' aligin no moonong sanginan bibiag ra ruo ngainan bibiag. “Amon ru marakop sangulun mantatakou paat ra mangaloi ra baloi tampilon ra rondom, am matoi io, kolondo' sala ru ulun namatoi no. Kaa' amon ru masauk gitio ra tampilon matawang, makasala ulun namatoi ra mantatakou no.

KAINGKUALAN 22:8

Kaa' amon ru kalo marampatan mantatakou no, musiti' ulun nakibulian no ibiton ra intok sambayangan, am magibot ra kalo nantakou io ra kuliamos pinabulian riso no.

YEHEZKIEL 44:24

Paat ra makatabual pansangaran intor ra baal ru ukum, imam-imam no musiti' mangakim raginio sumugut ra ukum Kuno. Musiti' nilo salingapuon pangiantakan-pangiantakan ru ugama sumugut ra ukum am aturan Kuno am niayuk mangiantak ra orou Sabat koson ra orou ondo' matulai.

AGAI 2:11

Mindagu Tuhan, “Pakitaak ra pamatasan ru imam-imam intor ra pangkuatan ragitio:

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

UNTABAN 35:11

pilio' noyo kukula' bandar pangampinan, maa' raginio osoi ondo' namatoi ra ulun ra kalo siningon, makapagiru' ra bandar no.

UNTABAN 35:16

Kaa' amon ru mamakai sasangulun no ra malarom, kapoam batu, kapoam tataun koson mamatoi ra ulun, makasala io am musiti' ukumin ra matoi.

SAGULION 1:17

Pai' pagimbaso' paat ra okou mamatas; pangakim noyo ra moonong ulun am mamakai ra ralan ra nogondo', kalo ilain osoi ulun no. Pai' kalaa' ra osoi pana, sabap kapatasan ondo' binaal mino kapatasan intor ri Aki Kapuuno'. Amon ru mokoondo' baal ondo' mapagon kaga' ramuyun, pataako' raki' baal raginio; aku mambaal ra kapatasan ra baal raginio.’

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

SAGULION 12:14

pataako' noyo taak simbalui raginio giu' ayuk ra rondo' intok ondo' pinili' ru Tuhan, rondo' ra wilayah ru bansa' mino. Giu' no ayuk iowon kau mapataak ra taak simbalui koson mapabansuk ra guang ru Tuhan, am mambaal ra ngaangai' ondo' nanusuban ku ramuyun.

SAGULION 12:5

Intor ra titikop wilayah ru ngaangai' bansa' min, mampili' Tuhan rondo' intok maa' raginio makaratong kau ra saang Nano am sumamba Riso ra giu' no.

SAGULION 19:17

musiti' ilo karuruo mongoi ra rondo' intok sambayangan no. Giu' no akimin ilo ru imam-imam am akim ondo' mangandoi paat raginio.

SAGULION 19:4

Amon ru kalo siningon namatoi ra ulun ondo' sala' ka pantula' nano, makapagiru' io rondo' ra bandar no maa' raginio mabayag.

SAGULION 21:5

Imam-imam ru bansa' ru Liwi niayuk musiti' mongoi ra giu' no, sabap musiti' ilo mangakim ra moonong baal ondo' makalabit ra kalaatan. Nampili' noyo Tuhan i Aki Kapuuno' min risilo koson mangandoi ayuk Riso am koson mambarakat ra ulun sabap ra inggalan Nano.

SAGULION 25:1

“Amon ru ruo ngaulun ru Israil mongoi ra makama koson manalasai ra pansangaran, am sangulun napandayan ra kolondo' sala am sangulun poyo napandayan ra makasala.