SAGULION 17:17 - Tanou Moonsoi Timugon

¹⁷ Kalo iowon raja' no makaandu' ra masuang, sabap baal raginio mangkinibit riso tumalikur intor ra Tuhan; kalo iowon raja' no milangkaya' ra mas kapoam pirok.

SAGULION 17:17 ပူးပေါင်းရင်းမြစ်များ

KASAUKAN 2:24

Ginio nai ra ungkuyon manatang ra ama' am ina' nano am masimpung ra andu' nano am ilo pana masauk rondo'.

2 SAMUIL 12:11

Magibot Aku ra mampalumpa' rirun ra kapaganan ondo' makinibitan ru gino ngai' akau sasambaloi. Alapon Ku andu'-andu' muno ra talupak ru mato muno galama', am pataakon ku ilo ra ulun bokon ondo' parumakon ilo ra makito-kito.

2 SAMUIL 5:13

Kopongo Raja' Daut nabanding intor ra Gibron minongoi ra Jirusalim, mokoondo' io ra masuang poyo andu' am parulug, am niayuk anak ungkuyon am ruandu'.

1 RAJA'-RAJA' 10:21

Ngaangai' sangkir ru Raja' Salomo binaal intor ra mas, am ngaangai' kakamot giu' ra Dewan Kataunan Libanon binaal intor ra mas kopoyo. Pirok totopot kalo noyo pinakai, sabap paat ra zaman ru Raja' Salomo, pirok ti kinara' ra kolondo' logo.

1 RAJA'-RAJA' 10:27

Paat ra pamarintaan ru Raja' Salomo, pirok ti kuliamos kaindalaman koson ra batu giu' ra Jirusalim, am tataun sidar masuang koson ra tataun ara giu' ra lonson toojo ru bulur giu' ra Jiuda.

1 TUNUNG RU BANSA' ISRAIL 14:3

Giu' ra Jirusalim, Raja' Daut nanangandu' ra kukula' ngaulun poyo, am nokoowot ra masuang poyo anak ungkuyon am ruandu'.

2 TUNUNG RU BANSA' ISRAIL 1:15

Paat ra pamarintaan ru Raja' Salomo, pirok am mas nasauk ra kuliamos ru kaindalaman koson ra batu giu' ra Jirusalim, am tataun sidar pana masuang koson ra tataun ara giu' ra lonson toojo ru bulur giu' ra Jiuda.

2 TUNUNG RU BANSA' ISRAIL 11:21

Raja' Rigabiam mokoondo' 18 ngaulun andu' am 60 ngoopor ngaulun ruandu' parulug. Mokoondo' io 28 ngaulun anak ungkuyon am 60 ngaulun anak ruandu'. Intor ra ngaangai' andu' am ruandu' parulug nano, i Maakga ondo' tagamin no kaga'.

NIGIMIA 13:26

Indagu aku risilo, “Ruandu' bansa' ra bokon noyo ondo' nangkinibit ra Raja' Salomo makatula. Raja' Salomo nakatabual poyo inggalan intor ra raja'-raja' ra bansa' ra bokon. Motogom i Aki Kapuuno' riso am nampasauk riso ra raja' ru titikop ru Israil. Kabalu' pana koon raginio, makatula io sabap ra inambi' ru ruandu' bansa' ra bokon.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

AMSAL 31:3

Pai' koyoo' ikang muno ra ruandu', am pai' awayo' ruit muno ra ruandu'; masuang noyo raja' rinatuan nilo.

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 19:5

I Aki Kapuuno' pana mindagu, ‘Anak ungkuyon mangiruan ra ama' am ina' nano mongoi simpung ra andu' nano am ilo ti masauk rondo'.’

LUKAS 12:15

Indagu poyo i Jisus risilo ngaangai', “Karaa' min, am ilalain kalit mino. Sabap ra sotopot no, sala' ka kuliamos ondo' maatang ra kaayagan ru ulun, kabalu' pana langkaya' io kakaga'.”

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.