SAGULION 17:16 - Tanou Moonsoi Timugon

¹⁶ Kalo iowon raja' no mokoondo' ra pulalai mangkuda ondo' masuang kaga' no. Kalo iowon raja' no mangator ra ulun mongoi ra Misir mambali ra kuda, sabap ra minindagu noyo Tuhan ra kalo iowon ulun Nano sumaguli' ra Misir.

SAGULION 17:16 ပူးပေါင်းရင်းမြစ်များ

2 SAMUIL 8:4

Namparakop Raja' Daut ra suang 1,700 ngaulun saujor mangkuda am 20,000 ngaulun saujor ondo' mantana'. Ngaangai' ru kuda no binaal no kalo makaugar, ondo' ayuk am inukop koson mamunduk ra maatus kurita' kuda.

1 RAJA'-RAJA' 1:5

Kopongo i Absalom minatoi, i Adonia, anak ungkuyon ru Raja' Daut am i Gagit, nasauk ra anak ondo' matuuo toojo. I Adonia ti sangulun buayoi ondo' maindon kaga'. Raja' Daut, ama' nano, kalo igondo' sangit ri Adonia kabalu' pana nambaal io ra sala. Gumogot kaga' i Adonia masauk ra raja'. Ginio ra igukop io galama' ra kurita' kuda, pulalai mangkuda, am limo ngoopor ngaulun magalung riso galama'.

1 RAJA'-RAJA' 4:26

Mokoondo' Raja' Salomo ra 40,000 kandang ru kuda ondo' mamunduk ra kurita' kuda, am 12,000 ngainan kuda ra pulalai mangkuda.

1 RAJA'-RAJA' 5:6

Susubo' mamagun muno mongoi ra Libanon koson mantagar raki' ra tataun sidar. Mamagun kuno maguyu ra mamagun muno. Bayarin ku mamagun muno, sumugut ra suang ondo' aruon muno. Koson ra napandayan mu noyo, mamagun muno mapandai poyo mantagar ra tataun intor ra mamagun kuno.”

2 TUNUNG RU BANSA' ISRAIL 1:16

Ulun-ulun mantatalan ondo' nangandoi koson ra raja', nambali ra kuda intor ra Musri am Kilikia,

2 TUNUNG RU BANSA' ISRAIL 9:25

Raja' Salomo mokoondo' ra 4,000 kandang ru kurita' kuda am kuda nano. Mokoondo' io ra 12,000 ngaulun pulalai mangkuda. Santayaran intor ra pulalai raginio pinosoroi giu' ra Jirusalim, am ondo' bokon no pinosoroi giu' ra ati-ati bandar ra bokon.

MAZMUR 20:7

Raino nakapandai aku ra Tuhan nanaak ra kamanangan ra raja' ondo' pinili' Nano; intor ra suruga' Nano ra matulai no nangiou Tuhan ra kitaakon nali. Ralalom kuasa' ru Tuhan, raja' nakaalap ra kamanangan maayo.

KAINGKUALAN 13:17

Paat ra makataak raja' ru Misir ra ulun ru Israil mugar, kalo naningganai Tuhan risilo maya' ra ralan mansail ra pagun ru Palistin, kabalu' pana ralan raginio mariwa' kaga'. Pangkaraan ri Aki Kapuuno', “Marara' Aku ra ulun Kuno mangulau ra karaan, am sumaguli' ra Misir paat ra ilo makapandai ra musiti' ilo mangayou.”

KAINGKUALAN 13:18

Ginio ra nagibit Io risilo ra ralan lumimpuong mansail ra tana' kaagisan mongoi ra Raat Galaga. Paat ra ulun ru Israil nangiruan ra Misir, nanakinandoi ilo koson mongoi pangayou.

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

JISAYA 2:7

Pagun nilono nososok ra pirok am mas; rapu' nilono kolondo' polos. Kuda nilono masuang kaga' am kurita' kuda nilono kalo mauntob.

JIRIMIA 42:19

Aku pana mindagu poyo, “Nambala' noyo Tuhan ramuyun ngaangai' ondo' lakat poyo soroi giu' ra Jiuda maa' raginio kalo mongoi ra Misir. Ginio ra akau pakaraan Ku raino,

YEHEZKIEL 17:15

Kaa' raja' Jiuda gumuor am nangator ra ulun minongoi ra Misir koson mokoowot ra kuda am niayuk pulalai ru saujor ondo' maayo. Nakasugut kia raja' ru Jiuda? Palabuson io kia intor ra kinibit ru binaal raginio? Kalo lair lumungkang io ra nabantuan am palabuson intor ra ukuman!”

GOSIA 11:5

“Marara' ilo sumaguli' Raki'. Ginio ra musiti' ilo sumaguli' ra Misir, am bansa' ru Asyur mamarinta risilo.

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

MIKA 5:10

Pusoon Ku bandar-bandar ra pagun min am tuyason ku pangampinan min.

SAGULION 28:68

Atarin kau saguli' ru Tuhan ra Misir paayaan ra kapal, kabalu' pana minindagu Io ra kalo boo mongoi ra giu'. Giu' no kuminam kau mantalan ra inan koson ra ulipon ra pantula', kaa' kolondo' sangulun pana ondo' masaga' mambali ramuyun.”

1 SAMUIL 8:11

Nambala' i Samuil, “Gitio noyo baal pamakuan ru raja' mino ramuyun ra maagu no. Alapon ru raja' no anak ungkuyon mino koson pasaukon ra saujor. Mokoondo' ondo' masauk ra pulalai ru mangkarita' kuda, mokoondo' poyo ondo' masauk ra pulalai ru mangkuda, mokoondo' poyo ondo' masisimbul ra saang ru kurita' kuda ru raja' no.