SAGULION 17:1 - Tanou Moonsoi Timugon1 “Pai' papataak ra sapi' kapoam domba ondo' najamaran ra Tuhan i Aki Kapuuno' min; masisang Tuhan ra baal raginio. အခန်းကိုကြည့်ပါ။ |
Mokoondo' tulu' baal kasisangin ru Tuhan am kalo polosoon Nano: paliso ra malilimbau, kabang ra magabau, kalindu' ra namatoi ra ulun ondo' kolondo' sala, Pangkaraan ondo' mangatang ra baal-baal malaat, kalayam maringkaagou mongoi ra kalaatan, sasi' ondo' rayusin no abau am ulun ondo' mangkinibit ra pansasangaran ru rangan.
Ralalom ru karuruo baal raginio, ralaki kasaa' ru ruandu' no kalo iowon maguot poyo riso. Ralaki no musiti' mangkara' riso koson ra ruandu' ondo' jinamol noyo. Amon ru maguot poyo ungkuyon no ra ruandu' no, baal raginio masauk ra rondo' pagasaban ra Tuhan. Kalo iowon kau mambaal ra tula ra makalalaa' raginio giu' ra tana' ondo' pataakon ramuyun ru Tuhan i Aki Kapuuno' min.”
Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.