SAGULION 16:4 - Tanou Moonsoi Timugon

⁴ Buoi tulu' ngoorou, sangulun pana giu' ra tana' min kalo iowon mambuli ra ragi ralalom ru baloi nano; am kual ru bibiag ondo' sinimbalui paat ra rondom kasaa' no musiti' akanon paat ra rondom raginio niayuk.

SAGULION 16:4 ပူးပေါင်းရင်းမြစ်များ

KAINGKUALAN 12:10

Pai' tatango' koborok pana intor ra kual no saboi susuab no, amon makasuwo, solobon kual no saboi makai'.

KAINGKUALAN 12:15

Indagu Tuhan, “Buoi katuluan kalo makaakan kau ra ruti' linatakan ra ragi. Mangakan ayuk ra ruti' kalo linatakan ra ragi. Paat ra orou kasaa' musiti' kau mamatir ra ngaangai' ragi ondo' soroi ralalom baloi min. Amon ru mokoondo' sasangulun mangakan ra ruti' linatakan ra ragi buoi katuluan no, kalo boo karaan ulun no ra ulun Kuno.

KAINGKUALAN 12:6

Musiti' min alungin bibiag no saboi orou ra koopor am apat sila' raginio. Tampilon ra mai' ti orou raginio, ngaangai' ulun ru Israil manimbalui ra bibiag raginio.

KAINGKUALAN 12:8

Tampilon ra rondom no, kual ru bibiag no musiti' patunuon am akanon ra sayur mapait am niayuk ruti' kalo latakin ra ragi.

KAINGKUALAN 13:7

Buoi tulu' ngoorou no, musiti' kau mangakan ra ruti' ondo' kalo linatakan ra ragi. Giu' ra titikop ru pagun min, kalo mataak makaragi kapoam atan ayuk pana makaragi.

KAINGKUALAN 23:18

“Pai' papataak ra ruti' ondo' linatakan ra ragi paat ra okou mapataak Raki' ra bibiag koson ra taak simbalui. Lomok ru bibiag ondo' pataakon Raki' buoi ru pangiantakan ragitio kalo posoroyon polos ra susuab ru suabon no.

KAINGKUALAN 34:25

“Pai' pataako' ruti' ondo' linatakan ra ragi paat ra akau mapataak ra bibiag koson taak simbalui Raki'. Suwo ru bibiag ra sinimbalui paat ra Pangiantakan Paska kalo buliin saboi ra susuab ru suabon no.

MATIUS 13:33

Nantunung poyo i Jisus risilo ra rondo' abig. “Paat ri Aki Kapuuno' mamarinta, baal no koson ra ragi ondo' inalap ru sangulun ruandu'. Porotoko' no ra apat ngoopor ngakilo ra tapung, am samput boo tapung i.”

SAGULION 16:5

“Simbaluyo' noyo bibiag tayar ru bunsag Paska giu' ra rondo' intok sambayangan no, am sala' ka ra ati-ati intok ra bokon giu' ra tana' ondo' pataakon ramuyun ru Tuhan i Aki Kapuuno' min. Simbaluyo' noyo bibiag no paat ra mato ru orou tumolop, koson paat ra akau nangiruan ra Misir ragili.