SAGULION 16:2 - Tanou Moonsoi Timugon

² Ongoi noyo ra rondo' intok sambayangan no, am giu' no simbaluyo' noyo sanginan intor ra domba kapoam sapi' min koson bunsag ru Paska tayar mangurumat ra Tuhan i Aki Kapuuno' min.

SAGULION 16:2 ပူးပေါင်းရင်းမြစ်များ

2 RAJA'-RAJA' 23:21

Raja' Josia pana nanusub boo ra mamagun nano mangiantak ra Paska koson mangurumat ra Tuhan, i Aki Kapuuno' nilo, koson ra ondo' tinulisan ra ralalom ru kitab nabantuan.

2 TUNUNG RU BANSA' ISRAIL 35:7

Nangani' Raja' Josia 30,000 ngainan domba, anak domba am anak kambing, am niayuk 3,000 ngainan sapi' gawayan intor ra bibiag tinambiag nano galama', ra mamagun ondo' siminaang ra giu' no maa' raginio makapampataak ilo ra taak simbalui koson ra Pangiantakan Paska.

UNTABAN 9:2

“Ulun ru Israil musiti' mangiantak ra Paska intor ra paat ru mato ru orou tumolop ra orou koopor am apat sila' ragitio, am sumugut ra ngaangai' aturan ondo' inaru' noyo tayar ru pangiantakan ragitio.”

MATIUS 26:17

Paat ra orou kasaa' ru Pangiantakan Ruti' Kalo Linatakan ra Ragi, maamaya' ri Jisus minuma' Riso am pangkuot, “Ati kia kasagaan Muno pongoonon mai pagakanan ru Paska no?”

MATIUS 26:2

“Koson raino nakapandai kau, ruo ngoorou poyo Pangiantakan ra Paska am Anak ru Ulun pataakin ra salipon!”

MARKUS 14:12

Paat ra orou kasaa' ra Pangiantakan ra Ruti' Kalo Linatakan ra Ragi, paat ra ulun manimbalui ra anak domba ru Pangiantakan Paska, maamaya' ri Jisus no mindagu Riso, “Ati intok kasagaan Muno ra pagakanan ru Paska?”

LUKAS 22:15

Indagu Io risilo, “Masaga' Aku toojo mangakan ra pagakanan ru Paska ti magugulung ramuyun ra Aku kalo poyo imboloon!

LUKAS 22:8

Panusub i Jisus ri Pitrus am i Juanis, indagu Io, “Ongoyo' min pongoono' kalalair intok pagakanan takau ra Paska.”

1 KORINTUS 5:7

Patiri' galing ragi ra nakalair, ioginio tula, maa' raginio masauk kau ra ruti' ondo' nakabagu, mapasau intor ra ragi nakalair. Makapandai aku ra gagayaan min ginio. Sabap ra Pangiantakan ra Paska nasuku' noyo, am i Kristus ondo' nasauk ra anak domba ru Paska takau, sinimbalui noyo.

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

SAGULION 12:14

pataako' noyo taak simbalui raginio giu' ayuk ra rondo' intok ondo' pinili' ru Tuhan, rondo' ra wilayah ru bansa' mino. Giu' no ayuk iowon kau mapataak ra taak simbalui koson mapabansuk ra guang ru Tuhan, am mambaal ra ngaangai' ondo' nanusuban ku ramuyun.

SAGULION 12:18

Akau am anak-anak mino, mabaya' ra ulipon-ulipon mino am ulun ru Liwi ondo' minayan giu' ra bandar-bandar mino, musiti' mangakan ra taak raginio giu' ayuk ra saang ru Tuhan i Aki Kapuuno' min, giu' ra rondo' intok ondo' pinili' ru Tuhan i Aki Kapuuno' min. Giu' ra intok raginio musiti' maansukan kau ra ngaangai' ondo' binaal min.

SAGULION 12:26

Ibito' noyo taak simbalui am taak ondo' binantu' min noyo ra Tuhan mongoi ra rondo' intok sambayangan no.

SAGULION 12:5

Intor ra titikop wilayah ru ngaangai' bansa' min, mampili' Tuhan rondo' intok maa' raginio makaratong kau ra saang Nano am sumamba Riso ra giu' no.

SAGULION 15:20

Moonong bilor musiti' akau am sasambaloi min mangakan ra kual no giu' ra saang ru Tuhan giu' ra rondo' intok sambayangan ondo' pinili' ru Tuhan.

SAGULION 16:1

“Urumato' noyo Tuhan i Aki Kapuuno' min ra mangiantak ra Paska paat ra sila' Abib sabap ra paat sila' raginio, paat ra rondom, akau binayag ru Tuhan i Aki Kapuuno' min intor ra Misir.

SAGULION 16:3

Paat ra akau magakan ra bunsag raginio, pai' pangakan ra ruti' ondo' linatakan ra ragi. Buoi tulu' ngoorou musiti' mangakan ra ruti' ondo' kalo linatakan ra ragi, koson ondo' binaal min ragili paat ra akau nagiru' ra naagou-agou intor ra Misir. Akano' noyo ruti' ondo' kalo linatakan ra ragi – ruti' ondo' sabiton ra ruti' kaimbalaan – maa' raginio buoi ru bayag mino, makara' min orou ra akau nangiruan ra Misir, intok pangimbalaan no.